يورپي يونين کان ڌار ٿيڻ جي نتيجي ۾ برطانيه ترڪي سان هڪ تاريخي معاهدو ڪرڻ وڃي رهيو آهي جنهن سان ٻنهي ملڪن وچ واپاري سرگرميون تيز ٿيڻ جو امڪان آهي. ان سلسلي ۾ برطانوي واپار کاتي جي وزير لز ٽرس جو چوڻ آهي ته معاهدي سان ٻنهي ملڪن وچ واپار توڙي سهڪار وڌي سگهندو. معاهدي بابت ڳالهائيندي لز جو چوڻ هيو ته “معاهدي جي نتيجي ۾ هزارين نوڪريون پيدا ٿيڻ سان گڏوگڏ برطانيه ۾ مشينن ۽ گاڏين جي صنعت ۾ اضافو ٿي سگهندو”. واضع رهي ته يورپي يونين جي مدار مان نگرڻ( بريگزٽ) جي نتيجي ۾ برطانيه ترڪي سميت 62 ٻين ملڪن سان آڳاٽا واپاري معاهدي ڪري رهيو آهي ته جيئن ڌار ٿيڻ بعد هُن جو واپار متاثر نه ٿي سگهي.
