پاڪستان جيلن ۾ قيد ڪشميري قيادت جي خراب صحت تي ڳڻتي ظاهر ڪئي آهي. پرڏيهي آفيس جي ترجمان زاهد حفيظ هڪ بيان ۾ چيو ته آسيه آندرابيءَ سميت ڪشميري اڳواڻن جي مسلسل قيد ۽ صحت جي صورتحال تي پاڪستان کي ڳڻتي آهي. هن چيو ته ڪشميري اڳواڻ شبير شاهه، مسرت عالم بٽ، محمد اشرف صحرائي ۽ ٻيا ڪورونا وبا دوران جيلن ۾ قيد آهن، سيد علي گيلاني ۽ مير واعظم عمر فاروق سميت ٻيا ڪشميري اڳواڻ به نظر بند آهن. سندس چوڻ هو ته ڀارتي فوج ڪشميري قيادت کي ڪشمير ۾ لاڳو ڪريل قانون تحت بدعنواني جي ڪوڙي ۽ هٿ ٺوڪي الزام ۾ گرفتار ڪيو ويو آهي. پرڏيهي آفيس جي ترجمان زاهد حفيظ چوڌري چيو ته ڪشمير ۾ غير قانوني ڀارتي قبضي خلاف سياسي نظرئي ۽ جدوجهد جي بنياد تي ڪشميري قيادت کي نظر بند ڪرڻ آر ايس ايس ۽ بي جي پي حڪومت جي انتها پسند ذهنيت جي عڪاسي ڪري ٿي، آر ايس ايس ۽ بي جي پي حڪومت کي ڪشميري عوام جي انساني حقن جو ڪو به احترام ناهي. هن چيو ته عالمي برادري ۽ گڏيل قومون ڪشميري اڳواڻن سان ڀارتي غير انساني ورتاءُ جو نوٽيس وٺن، عالمي برادري انساني حقن جي تنظيمن ۽ گڏيل قومن کي ڪشميري اڳواڻن جي ڀارتي غير قانوني نظر بندي مان آزادي لاءِ آواز اٿارڻ گهرجي.
حڪومت جي نااهلي ۽ غفلت سبب ملڪ ۾ وڏو بحران آهي، احسن اقبال
مسلم ليگ ن جي سينئر اڳواڻ احسن اقبال چيو آهي ته حڪومت جي نااهلي ۽ غفلت سبب ملڪ ۾ وڏو...
