وزيراعظم عمران خان چيو آهي ته پنهنجي سياست چمڪائڻ لاءِ ادارن جي آڱر کڻندڙ ڪنهن به قميت تي جمهوريت جا علمبردار نه ٿا ٿي سگهن، جمهويت جي مضبوطي لاءِ ادارن جو مضبوط ٿيڻ اهم آهي. وزيراعظم عمران خان سان پارلياماني معاملن بابت صلاحڪار ڊاڪٽر بابر اعواڻ اسلام آباد ۾ ملاقات ڪئي، جنهن ۾ ملڪ جي سياسي صورتحال، آئيني، قانوني ۽ پارلياماني معاملن تي خيالن جي ڏي وٺ ڪئي. ان موقعي تي وزيراعظم عمران خان جو چوڻ هو ته جمهوريت جي مضبوطيءَ لاءِ ادارن جي مضبوطي ضروري آهي. هن چيو ته پنهنجي سياست چمڪائڻ لاءِ ادارن تي آڱريون کڻندڙ پنهنجي به قيمت تي جمهوريت جا علمبردار نه ٿا ٿي سگهن. ڊاڪٽر بابر اعواڻ معاشي استحڪام ۽ ڪورونا کان بچاءُ جي حڪومتي پاليسين کي حڪومت جي اهم ڪاميابي قرار ڏيندي چيو ته ڪرپٽ ماڻهن جو پاڪستان ۾ ڪو به مستقبل ناهي.
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي آهي، گهٽين ۾ بيٺل مينهن جو پاءُ تلاءُ جو...
