پ پ سينيٽر شيري رحمان چيو آهي ته حڪومت هر اداري کي پنهنجي ذاتي ملڪيت نه سمجهي، نااهل حڪومت وٽ ملڪي ادارا هلائڻ جي ڪا به پاليسي ناهي، پي آءِ اي جي مرڪزي آفيس ڪراچي کان اسلام منتقل ڪئي پئي وڃي. جاري ڪيل بيان ۾ شيري رحمان چيو ته پي آءِ اي جي مرڪزي آفيس اسلام آباد منتقل ڪرڻ لاءِ پارليامينٽ جي منظوري گهربل هوندي آهي، بنا منظوريءَ منتقلي غيرقانوني ۽ غير آئيني هوندي. هن چيو ته پي آءِ اي جي مرڪزي آفيس جي منتقلي وزيراعظم يا سي اي او جي مرضي سان نه پر پارليامينٽ جي مرضَي سان ٿيندي. شيري رحمان چيو ته حڪومت هر اداري کي پنهنجي ذاتي ملڪيت نه سمجهي، اڳ کي غلط بيانيءَ سان پي آءِ اي کي تباهه ڪيو ويو آهي. پ پ سينيٽر چيو ته حڪومت جا قدم غير جمهوري ۽ غير آئيني آهن، پيپلزپارٽي ملازمن جي حقن جو تحفظ ڪندي، حڪومت پنهنجن آمرڻن فيصلن تي نظرثاني ڪري.
