باڊهه ويجهو 8 ڏينهن اڳ ڪهاڙيون هڻي قتل ڪيل پيرسن جي خون جو نبيرو ڪيو ويو جنهن ۾ ٻن جوابدارن تي ڏوهه ثابت ٿيڻ تي 20 لک رپيا ڏنڊ وڌو ويو. 8 ڏينهن اڳ زرعي زمين تي ڪهاڙيون هڻي قتل ڪيل پيرسن محمد هاشم ڀاڳت جي خون جو نبيرو پ پ اڳواڻ فداحسين ڦلپوٽي جي سرپئنجي ۾ سندس اوطاق تي ٿيو. نبيري دوران فريادي ڌر پاران اختيار حسين ڀاڳت سندس برادري جا ماڻھو ۽ جوابدار ڌر طرفان مجيد ڦلپوٽو ۽ ٻين شرڪت ڪئي. نبيري ۾ ٽن جوابدارن مان ٻن جوابدارن شفقت ۽ عرفان ڦلپوٽي تي هاشم ڀاڳت جي قتل جو ڏوهه ثابت ٿيڻ تي 20 لک رپيا ڏنڊ مڙهيو ويو. نبيري بعد 2 لک معاف ۽ چار لک موقعي تي ڏنا ويا جڏهن ته 6 لک رپيا هڪ ڏينهن بعد ۽ باقي 8 لک رپيا هڪ منهيني کانپوءِ ادا ڪيا ويندا. فريادي ٻنهي جوابدارن خلاف داخل ڪيل ڪيس تان هٿ کڻندا. گرفتار ٿيل ٽئين مک جوابدار نادر ڦلپوٽو سان فريادي ڌر ٺاهه کان انڪار ڪري ڇڏيو. فيصلي بعد ڌريون پاڪ ڪتاب تي کير کنڊ ٿي ويون.
