سينيٽ چونڊ اوپن بيلٽ ڪرائڻ بابت سپريم ڪورٽ ۾ داخل صدارتي ريفرنس جي ٻڌڻي اڄ ٿي رهي آهي

چيف جسٽس گلزار احمد جي سربراهي ۾ پنج رڪني لارجر بئنچ ڪيس جي ٻڌڻي ڪندو. لارجر بئنچ ۾ چيف جسٽس گلزار احمد، جسٽس مشير عالم، جسٽس عمر عطا بنديال، جسٽس اعجاز الاحسن ۽ جسٽس يحيٰ آفريد تي ٻڌل آهي. اٽارني جنرل آف پاڪستان خالد جاويد خان عدالت ۾ پيش ٿيندو. حڪومت سينيٽ چونڊ اوپن بيلٽ يا شو آف هينڊ ذريعي ڪرائڻ لاءِ سپريم ڪورٽ کان راءِ طلب ڪئي آهي. سپريم ڪورٽ ۾ داخل ڪرايل صدارتي ريفرنس ۾ چيو ويو آهي ته سينيٽ چونڊ  آئين جي تحت ناهي ڪرائي ويندي. ريفرنس ۾ چيو ويو ته سينيٽ چونڊ اليڪشن ايڪٽ 2017ع تحت ڪرائي ويندي آهي، سينيٽ اليڪشن اوپن بليٽ جي تحت ٿي سگهي ٿي، اوپن بليٽ سان چونڊ ۾ شفافيت ايندي. ريفرنس ۾ ڄاڻايو ويو ته ڳجهي ووٽنگ جي ڪري سينيٽ اليڪشن کانپوءِ شفافيت تي سوال اٿاريا ويندا آهن.

وڌيڪ پڙهو…