ملڪ ۾ ڪورونا وائرس سبب وڌيڪ 32 ڄڻن جي فوت ٿيڻ بعد انگ وڌي 10 هزار 676 ٿي ويو، جڏهن ته پنج لک چار هزار 293 ماڻهو ڪورونا وبا جو شڪار ٿي چڪا آهن. نيشنل ڪمانڊ اينڊ آپريشن سينٽر موجب، هڪ هزار 877 نوان ڪيس ظاهر ٿيڻ بعد ملڪ ۾ ڪورونا متاثرن جو انگ 5 لک چار هزار 293 متاثر ٿي ويو آهي. ترجمان موجب، 4 لک 58 هزار 371 مريض صحتياب ٿي چڪا آهن، جڏهن ته ملڪ ۾ ايڪٽو ڪيسن جو انگ 35 هزار 246 آهي. سندس چوڻ هو ته پنجاب ۾ هڪ لک 45 هزار 508، سنڌ ۾ 2 لک 26 هزار 338 ۽ ڪي پي ۾ 61 هزار 424 ڪورونا جا ڪيس آهن. ترجمان جو چوڻ هو ته بلوچستان ۾ 18 هزار 412، اسلام آباد ۾ 39 هزار 242، آزاد ڪشمير ۾ 8 هزار 489 ۽ گلگت بلتستان ۾ 4 هزار 880 ڪورونا جا مريض آهن.
