نواز شريف کي اقامي نه پر ڪرپشن ۽ مني لانڊرنگ تي ڪڍيو ويو، شهزاد

احتساب بابت صلاحڪار شهزاد اڪبر چيو آهي ته نواز شريف کي اقامي نه پر ڪرپشن ۽ مني لانڊرنگ تي ڪڍيو ويو، اڳوڻي وزيراعظم پارليامينٽ ۾ ڪوڙ ڳالهائي قوم کي گمراهه ڪيو. اسلام آباد ۾ پريس ڪانفرنس  ڪندي شهزاد اڪبر چيو ته  نواز شريف قوم سان مسلسل ڪوڙ ڳالهايو، شريف خاندان جي ڪوڙ واري ڪهاڻي وائکي ٿي چڪي آهي. هن چيو ته ماضي ۾ ڪوڙ تي گذارو ٿي ويندو هو پر هاڻي ڪوڙ پڪڙيو وڃي ٿو، نواز شريف ملڪيت، ڪرپشن ۽ مني لانڊرنگ لڪائي، کيس ڪرپشن ۽ مني لانڊرنگ تي ئي ڪڍيو ويو آهي، هو آئين جي آرٽيڪل 62 ۽ 63 تي پورو نه لٿو. احتساب بابت صلاحڪار شهزاد اڪبر چيو ته نواز شريف پنهنجي ڪوڙ لاءِ پارليامينٽ جو فورم استعمال ڪيو. سندس چوڻ هو ته اڳوڻي وزيراعظم نواز شريف سپريم ڪورٽ ۾ فليٽن بابت به ڪوڙ ڳالهايو، ڪهاڻيون گهڙيون ويون ته ڪرپشن نه پر اقامي تي ڪڍيو ويو، شريف خاندان لنڊن مان ايندڙ خبرن کان اڳ مٺايون ورهايون، پاناما ڪيس ۾ ميان صاحب کي ڪوڙ قرار ڏنو ويو. شهزاد اڪبر چيو ته نوازشريف چيو هو ته لنڊن جي عدالت کين بري ڪيو آهي، عدالتي فيصلو پڙهڻ کانسواءِ موقف سامهون آندو ويو. هن چيو ته معاهدو هو ته جيتري اوڳاڙي ٿيندي 20 سيڪڙو براڊ شيٽ کي ڏنو ويندو، براڊ شيٽ اثاثا ڳولڻ جي ڪمپني آهي، جنهن جون پاڪستان خدمتون حاصل ڪيون.

وڌيڪ پڙهو…