ڪراچي جي دهشتگردي ٽوڙ عدالت چيني قونصل خاني حملي ڪيس ۾ پابندي مڙهيل تنظيم بي ايل اي جي پنجن جوابدارن تي فرد جرم لاڳو ڪري ڇڏيو. دهشتگردي ٽوڙ عدالت ۾ چيني قونصل خاني حملي ڪيس جي ٻڌڻي ٿي. عدالت جوابدار احمد حسنين، نادر خان، علي احمد، عبدالطيف ۽ اسلم تي فرد جرم لاڳو ڪيو. جوابدارن طرفان ڏوهه قبولڻ کان انڪار ڪيو ويو، جنهن بعد عدالت ڪيس جي شاهدن ۽ جاچ آفيسر کي طلبي جا نوٽيس جاري ڪري ڇڏيا. پوليس عدالت کي ٻڌايو ته جوابدارن دهشتگردن کي سهولت فراهم ڪئي. پوليس موجب جوابدارن چيني قونصل خاني تي حملي ۾ مدد فراهم ڪرڻ جو اعتراف ڪيو ۽ حملو ڪندڙن کي هٿيار ۽ ڌماڪيدار مواد به فراهم ڪيو.
جيڪي حڪمران مٿن مڙهيل آهن اهي 30 ورهين کان چوري ڪري رهيا آهن: عمران خان
پاڪستان تحريڪ انصاف جي چيئرمين عمران خان چيو آهي ته مڃيل ڪرپٽ ماڻهو مٿن مڙهيا ويا آهن. اسلام آباد ۾...
