سنڌ ۾ ڪورونا وائرس سبب وڌيڪ 17 مريض فوت ۽ 778 نوان ڪيس ظاهر ٿيا، وڌيڪ 870 مريض صحتياب ٿيڻ بعد صوبي ۾ علاج هيٺ مريضن جو انگ 18 هزار 377 رهجي ويو آهي. سنڌ ۾ ڪورونا وائرس بابت بيان جاري ڪندي وڏي وزير سيد مراد علي شاهه چيو ته 24 ڪلاڪن دوران 11 هزار 208 ٽيسٽون ڪيون ويون، جن مان 778 ڪيس ظاهر ٿيا، هيل تائين ڪيل 25 لک 98 هزار 871 ٽيسٽن مان 2 لک 37 هزار 308 ڪيس ظاهر ٿي چڪا آهن. هن چيو ته وڌيڪ 17 مريض وائرس سبب فوت ٿي ويا، جنهن بعد فوتين جو انگ 38 سئو 30 ٿي ويو آهي. وڏي وزير چيو ته وڌيڪ 870 مريض صحتياب ٿيڻ بعد صوبي ۾ صحت ماڻيندڙن جو انگ 2 لک 15 هزار 101 ٿي ويو آهي. هن چيو ته صوبي ۾ 18 هزار 377 مريض علاج هيٺ آهن، جن مان 17 هزار 407 گهر، 12 آئسوليشن مرڪزن ۽ 958 مختلف اسپتالن ۾ داخل آهن، 869 مريضن جي حالت ڳڻتي جوڳي ۽ 88 وينٽيليٽر تي آهن. وڏي وزير چيو ته نون ڪيسن مان 597 ڪيس ڪراچيءَ ۾ ظاهر ٿيا، جن مان 290 اوڀر ضلعي، 195 ڏکڻ ضلعي، سينٽرل ۾ 68، ڪورنگي ۾ 17، ملير ۾ 15 ۽ اولهه ضلعي ۾ 12 ڪيس ظاهر ٿيا. سيد مراد علي شاهه چيو ته حيدرآباد ۾ 41، ميرپورخاص ۾ 20، جيڪب آباد ۾ 12، شهيد بينظيرآباد ۽ دادو ۾ 7-7، سانگهڙ ۾ 6، سکر ۽ ڄامشوري ۾ 5-5، بدين ۾ 4، ٽنڊي محمد خان، ٺٽي ۽ گهوٽڪي ۾ 3-3، ڪشمور، شڪارپور ۽ سجاول ۾ 2-2 ۽ لاڙڪاڻي ۾ هڪ ڪيس ظاهر ٿيو.
نئون ديرو ويجهو گهر مان چوري دوران چورن مزاحمت تي ڀاڳئي کي قتل ڪري ڇڏيو
نئون ديرو ويجهو گهر مان چوري دوران چورن مزاحمت تي ڀاڳئي کي قتل ڪري ڇڏيو. ڳڙهي خدابخش ٿاڻي جي حد...
