توانائي واري صوبائي وزير امتياز شيخ چيو آهي ته تيل گيس ۽ ٻيٽن سميت سنڌ جي وسيلن تي ڌاڙا هڻي رهيو آهي، سنڌ سرڪار وسيلن خاطر وفاق آڏو احتجاج ڪندي رهندي. صوبائي وزير امتياز شيخ درياخان رند ڳوٺ ۾ پ پ ضلعي اوڀر جي اڳواڻ حسين بخش ناريجي جي ڀائٽي ۽ ايڊمنسٽريٽر ڪوآپريٽو هائوسنگ سوسائٽي شبير ناريجي جي ڀاءُ امداد ناريجي جي لاڏاڻي تي تعزيت ڪئي. ان موقعي تي ميڊيا سان ڳالهائيندي امتياز شييخ چيو ته نااهل وفاقي سرڪار جي نااهل نمائندي علي زيدي وڏي وزير خلاف غلط زبان استعمال ڪري پنهنجي نالائقي ظاهر ڪئي آھي. سندس چوڻ هو ته اهڙن بداخلاقن مان اخلاق جي اميد رکڻ ٻٻرن کان ٻير گهرڻ برابر هوندو، وڏو وزير مراد علي شاھ هڪ قابل انسان آھي. هڪ سوال جي جواب ۾ صوبائي وزير امتياز شيخ چيو ته وفاق سنڌ جي سامونڊي ٻيٽن تي پنهنجو غير قانوني قبضو ڄمائڻ چاهي ٿو پر سنڌ حڪومت وفاق کي ڪڏھن به قبضو ڪرڻ ڪو نه ڏيندي ۽ وسيلن جي تحفظ لاءِ هر فورم تي ڀرپور آواز اٿاريو ويندو. ان موقعي تي پيپلز يوٿ آرگنائيزيشن ڪراچي ڊويزن جي صدر راشد خاصخيلي چيو ته پ پ ڪراچي جي سنڌي وسندين جي ڀرپور مالڪي ڪندي ۽ سنڌي وسندين کي مالڪاڻا حق ڏيارڻ لاءِ هو پ پ قيادت سان ڳالهائيندو. هن چيو ته ڪراچي جي سنڌي وسندين جي رهواسين جي احساس محرومي ختم ڪئي ويندي. ان موقعي تي سماجي اڳواڻ نظير ناريجو، رٽائرڊ ميجر علي احمد ناريجو، رٽائرڊ ميجر حسن، شبير ڪوريجو، شفقت منگي، بادشاھ چانڊيو ۽ ٻيا موجود هئا.
پ پ مخالف اتحاد جو اجلاس ٿيڻ بعد پ پ ايم اين محمد بخش مهر پ پ جي اتحادين جو اجلاس اڄ مهر هائوس ۾ سڏائي ورتو
پ پ مخالف اتحاد جو اجلاس ٿيڻ بعد پ پ ايم اين محمد بخش مهر پ پ جي اتحادين جو...
