پرڏيهي وزير شاهه محمود قريشي چيو آهي ته ڀارت جو جمهوريت وارو ڏهاڙو ڪاري ڏينهن طور ملهايو پيو وڃي. هڪ بيان ۾ پرڏيهي وزير شاهه محمود قريشي چيو ته ڀارت جي جمهوري ڏهاڙي تي ڪشميري سراپا احتجاج بڻيل آهن. هن چيو ته آئين تحت ڪشميرين کي ڏنل سڃاڻپ وارو حق کسيو ويو آهي. سندس چوڻ هو ته ڪشميري سراپا احتجاج آهن ته سندن بنيادي حق کسيا پيا وڃن. شاهه محمود قريشي چيو ته عالمي ميڊيا، انساني حقن جي حفاظت لاءِ ڪم ڪندڙ عالمي تنظيمون والاريل ڪشمير ۾ هلندڙ انساني حقن جي ڀڃڪڙين ۽ ڀارتي ظلمن کي ظاهر ڪري رهيون آهن. هن چيو ته ڀارتي جمهوريت جي ڏهاڙي جي تقريب ۾ ٽريڪٽر نه پر ٽينڪون نظر اچي رهيون آهن. سندس چوڻ هو ته اڄ دهلي جي هر پاسي ڀارت جا آبادگار مارچ ڪري رهيا آهن. پرڏيهي وزير شاهه محمود قريشي چيو ته ڀارتي سرڪار جي ناڪاري پاليسين سبب معيشيت جي صورتحال خراب ٿي چڪي آهي. هن چيو ته ڀارت ۾ اقليتون پاڻ کي غير محفوظ سمجهي رهيون آهن. سندس چوڻ هو ته ڀارت ۾ مسلمان، بنگالي ۽ دلت ڪو به محفوظ ناهي. پرڏيهي وزير شاهه محمود قريشي چيو ته ڀارت ۾ جمهوريت بدران ڪارا قانون لاڳو ٿي رهيا آهن. هن چيو ته ڀارت ۾ سيڪولر الزام دٻجندي ۽ هندو توا جي سوچ اڀرندي نظر اچي رهي آهي. سندس چوڻ هو ته ڀارت جي رويي سبب سندن سمورا پاڙيسري ناراض آهن. پرڏيهي وزير شاهه محمود قريشِي چيو ته نيپال، چين، بنگلاديش سان ڀارت جو رويو تبديل ٿيل آهي، ڀارت پنهنجي رويي سبب پنهنجي پاڙيسري ملڪن کان پري ٿيندو پيو وڃي.
حڪومت جي نااهلي ۽ غفلت سبب ملڪ ۾ وڏو بحران آهي، احسن اقبال
مسلم ليگ ن جي سينئر اڳواڻ احسن اقبال چيو آهي ته حڪومت جي نااهلي ۽ غفلت سبب ملڪ ۾ وڏو...
