ڀارت جي جهموريت واري ڏهاڙي آبادگارن ۽ هارين پاران ٽريڪٽر پريڊ نئين دهليءَ ۾ داخل ٿيڻ جي ڪوشش دوران پوليس طرفان هارين تي لٺبازي ۽ ڳوڙها آڻيندڙ گيس جو استعمال ڪيو ويو، چڪرين دوران هڪ هاري مارجي ويو. ڀارت جي 72هين جمهوريت جي ڏهاڙي تي ملڪ جي هاري ٽريڪٽر ريلي ڪڍي وئي، جنهن کي ٽريڪٽر پريڊ نالو ڏنو ويو. پنجاب، هرياڻه، اترپرديش، راجسٿان ۽ ڪيترين ئي رياستن مان هزارين هاري پنهنجا ٽريڪٽر کڻي نئين دهليءَ جي ڀرپاسي پهچي ويا ۽ شهر اندر داخل ٿيڻ جي ڪوشش ڪئي. شهر ۾ داخل ٿيڻ جي ڪوشش تي پوليس پاران هارين تي ڳوڙها آڻيندڙ گيس جو استعمال ڪيو ويو ۽ هارين تي لٺبازي ڪئي وئي، تشدد سبب هڪ هاري فوت ٿي ويو آهي. احتجاج دوران خالصتان تحريڪ جو جهنڊو پڻ ڦرڪايو ويو آهي. نئين دهليءَ جي سرحدن تي موجود ٽريڪٽرن جون جو انگ هزارن ۾ هو، آبادگارن ان ريليءَ کي هارين جي طاقت جو مظاهرو قرار ڏئي رهيا آهن.
