ملير جي علائقي شاهه لطيف ٽائون ۾ سي ٽي ڊي ڪارروائي دوران هڪ دهشتگرد کي مارڻ،پنجن کي گرفتار ڪرڻ ۽ ڀريل رڪشا، آپگهاتي جيڪٽ توڙي دستي بم هٿ ڪرڻ جي دعويٰ ڪئي آهي. ڊي آءِ جي سي ٽي ڊي عمر شاهد جو چوڻ آهي ته ڳجهي اداري جي اطلاع تي شاهه لطيف ٽائون واري علائقي ۾ ڇاپو هنيو ويو. هن چيو ته مقابلي ۾ هڪ دهشتگرد مارجي ويو، پنجن کي گرفتار ڪيو ويو آهي. سندس چوڻ هو ته دهشتگردن وٽان بارود سان ڀريل رڪشا، آپگهاتي جيڪٽ ۽ دستي بم هٿ ڪيا ويا آهن، ٻن هفتن کان شهر ۾ دهشتگردن جي موجودگي جو اطلاع هو. سي ٽي ڊي انچارج عمر خطاب جو چوڻ آهي ته دهشتگرد بارود سان ڀريل رڪشا کي عمارت سامهون بيهاريو هو. سندس چوڻ هو ته دهشتگرد مڪمل طور ڪارروائي ڪرڻ لاءِ تيار هئا. هن چيو ته هو وڏي عرصي کان عمارت جي نگراني ڪري رهيا هئا جڏهن ته نيڪٽا پاران به 2 هفتا اڳ الرٽ جاري ڪيو ويو هو. سي ٽي ڊي انچارج بم ڊسپوزل اسڪواڊ جو چوڻ آهي ته بارود سان ڀريل رڪشا کي ناڪاره بڻايو ويو آهي. عمر خان چيو ته بم ڊسپوزل اسڪواڊ موجب، عمارت مان هٿ آيل ٽن آپگهاتي جيڪٽن کي به ناڪارا بڻايو ويو آهي.
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي آهي، گهٽين ۾ بيٺل مينهن جو پاءُ تلاءُ جو...
