وزيراعظم عمران خان چيو آهي ته منظرعام تي آيل وڊيوز مان واضح ٿي چڪو آهي ته سياستدان ڪيئن شرم جوڳي طريقي سان سينيٽ ۾ ووٽ خريد ۽ وڪرو ڪندا آهن، ضمير جو سودو ڪري ووٽ وڪرو ڪندڙ عوام لاءِ ڇو سوچيندو؟ ڪرپشن سان اقتدار ۾ ايندڙ به ڪرپشن ئي ڪندو، پي ڊي ايم جو ڳٺجوڙ ان ئي ڪرپٽ نظام جي حمايت ڪري پنهنجا مفاد حاصل ڪرڻ چاهي ٿو. نسماجي رابطن واري ويب سائٽ ٽوئٽر تي ٽوئٽ ڪندي وزيراعظم عمران خان چيو ته ڪرپشن ۽ مني لانڊرنگ سياسي امير طبقي جي شرم جوڳي داستان آهي، ڪرپٽ سياستسان اقتدار ۾ اچڻ لاءِ پيسو خرچ ڪن ٿا. هن چيو ته ڪرپٽ سياستدان سياسي طاقت حاصل ڪري پيسو ٺاهيندا آهن. وزيراعظم چيو ته هي ماڻهو اقتدار کي مضبوط ڪرڻ لاءِ بيوروڪريٽس، ميڊيا ۽ ٻين فيصلي سازن تي به پيسو خرچ ڪن ٿا. عمران خان چيو ته ڪرپٽ سياستدان قوم جي دولت ڦري مني لانڊرنگ ذريعي پرڏيهه موڪلي اثاثا ٺاهيندا آهن، پي ڊي ايم جو ڳٺجوڙ ان ئي ڪرپٽ نظام جي حمايت ڪري پنهنجا مفاد حاصل ڪرڻ چاهي ٿو. وزيراعظم چيو ته اهي وڊيوز حڪمران طبقي طرفان قوم جي اخلاقيات جي مڪمل تباهي جو ثبوت آهن، هو قوم کي بدنام ڪندڙ ڪرپشن ۽ مني لانڊرنگ جي ان چڪر کي روڪڻ لاءِ پرعزم آهن. ان کان اڳ وزيراعظم عمران جي صدارت هيٺ پارٽي ترجمانن جو اجلاس ٿيو، جنهن ۾ سينيٽ چونڊن ۽ تازي وڊيو اسڪينڊل تي خيالن جي ڏي وٺ ڪئي وئي.اجلاس ۾ وزيراعظم جو چوڻ هو ته ضمير جو سودو ڪري ووٽ وڪرو ڪندڙ عوام لاءِ ڇو سوچيندو؟ ڪرپشن سان اقتدار ۾ ايندڙ به ڪرپشن ئي ڪندو. هن چيو ته سنيت ۾ پيسن ذريعي ايندڙن جي ترجيح عوامي ڀلائي نه پر پنهنجي ترقي هوندي آهي، جيڪي چونڊن ۾ شفافيت جا مخالف آهن اهي کي پيسو وٺي ٽڪيٽون وڪرو ڪندا آهن، هو ان سوچ کي ختم ڪرڻ چاهن ٿا.
ملڪ جا سمورا ادارا پنهنجو اعتماد وڃائي چڪا آهن، فواد چوڌري
تحريڪ انصاف اڳواڻ فواد چوڌري چيو آهي ته ملڪ جا سمورا ادارا پنهنجو اعتماد وڃائي چڪا آهن، ڪنهن جي حق...
