مسلم ليگ ن اڳواڻ خواجه سعد رفيق چيو آهي ته هر وزيراعظم تي چور ڌاڙيل يا غدار جو نعرو لڳو، مخالف ڌر وٽ محدود آپشن نه آهن، پي ڊي ايم فيصلو ڪندي ڪهڙو پتو ڪڏهن شو ڪرڻو آهي. لاهور ۾ ميڊيا سان ڳالهائيندي خواجه سعد رفيق چيو ته پي ٽي آءِ کي پنهنجا بليڪ هول نظر نه اچي رهيا آهن جنهن ڏينهن جادو جو محل ڪرندو سڀ ڪجهه ٺيڪ ٿي ويندو. هن چيو ته مسلم ليگ ن جي سموري قيادت پيشيون ڀوڳي رهيو آهي، قوم ڏسي رهي آهي ته شهباز شريف ٻيهر جيل ۾ آهي. سندس چوڻ هو ته هو ريلوي کي بهتر ڪرڻ جي ڪوششن ۾ هو 16 سال قيد ڀوڳي آيو آهي، سلمان رفيق هيلٿ سيڪٽر کي بهتر ڪرڻ جي ڪوشش ۾ 16 سال جيل ڀوڳيو آهي. خواجه سعد رفيق چيو ته هو سرڪاري ملازمن تي وحشياڻي تشدد جي مذمت ڪن ٿا، ملازم پي ٽي آءِ وانگر ڪٿي قبضو ڪرڻ نه پئي ويا. هن چيو ته ملازمن تي شديد شيلنگ ڪئي وئي، ائين لڳو ڄڻ ڪڪر هيٺ اچي ويا آهن. سندس چوڻ هو ته حڪومت جي وات کي رت لڳي ويو آهي، جهڙي نموني مخالف کي ٽارچر ڪيو ويو، کين لڳي ٿو ته سرڪاري ملازمن سان به ائين ئي ڪيو ويندو.
وڌيڪ پڙهو
