پ پ اڳواڻ نفيسه شاهه چيو آهي ته حڪومت ملڪ کي بحران طرف ڌڪيو آهي، پي ٽي آءِ رڳو بحرانن جي تبديلي آندي، عوام کي عذابن کانسواءِ ڪجهه ناهي ڏنو ويو. خيرپور ويجهو روهڙي ڪينال تي ٻوٽو پوکي ڌرتي سان محبت جي اظهار بعد ميڊيا سان ڳالهائيندي نفيسه شاهه چيو ته حڪومت مان رڳو مهانگائي جي اميد رکي سگهجي ٿي. هن چيو ته حڪومت عوام کي عذاب کانسواءِ ڪجهه ناهي ڏنو، پي ٽي آءِ عوام کي رليف نٿي ڏئي سگهي. سندس چوڻ هو ته سليڪٽيڊ حڪمران قانون جي عزت نٿا ڪن، آرڊيننس ذريعي پارليامينٽ تي حملو ڪيو ويو، پ پ سينيٽ چونڊ ۾ ڪامياب ٿيندي. نفيسه شاهه چيو ته عوام کي گهر ۽ روزگار ڏيڻ بدران مهانگائي جا بم ڪيرايا پيا وڃن، حڪمرانن کي عوام جو ڪو به احساس ناهي. سندس چوڻ هو ته خيرپور ضلعي ۾ ٻيلي کاتي سان گڏجي 5 لک ٻوٽا لڳايا ويندا، هو وڻ لڳائي ڌرتي جي سونهن بحال ڪرائڻ چاهن ٿا.
حڪومت جي نااهلي ۽ غفلت سبب ملڪ ۾ وڏو بحران آهي، احسن اقبال
مسلم ليگ ن جي سينئر اڳواڻ احسن اقبال چيو آهي ته حڪومت جي نااهلي ۽ غفلت سبب ملڪ ۾ وڏو...
