ڪراچي جي علائقي ماڙيپور گريڪس ۾ ھاڪس بي روڊ ٺاهڻ جي شروعات کانپوءِ نوٽيس ملڻ بعد شهرين پنهنجا دڪان ۽ گھر پاڻمرادو ڊاھڻ شروع ڪري ڇڏيا آھن. پ پ اڳواڻ ۽ يوسي ماڙيپور جي اڳوڻي چيئرمين ڪامريڊ صاحب خان جسڪاڻي متاثرن سان ملاقات ڪري ڳالھيون ٻڌيون ھر ممڪن مدد جي خاطري ڪرائي. ان موقعي تي ميڊيا سان ڳالھائيندي ڪامريڊ صاحب خان جسڪاڻي چيو ته ماڙيپور سندن گھر آھي، ھو متاثرن کي اڪيلو نه ڇڏيندا. ھن چيو ته جلد وڏي وزير سان ملاقات ڪري متاٽرن جي مسئلن کان آگاھ ڪيو ويندو. سندس چوڻ ھو ته نقشي موجب لڳايل پھريان نشان بھتر ھئا، واڌو نشان لڳائي علائقي واسين کي پريشان ڪيو ويو آھي. ڪامريڊ صاحب خان جسڪاڻي چيو ته جلد تڪ جا چونڊيل نمائندا علائقي جو دورو ڪري متاثرن سان ملاقاتون ڪندا جيئن علائقي واسين مان پريشانيون ختم ٿي سگھن.
لاهور سميت پنجاب جي ڪيترن ئي علائقن ۾ تيز برسات سبب بجلي جي فراهمي معطل ٿي وئي
لاهور سميت پنجاب جي ڪيترن ئي علائقن ۾ تيز برسات سبب بجلي جي فراهمي معطل ٿي وئي، موسميات کاتي جو...
