بلوچستان جي علائقي وندر ڀرسان روڊ حادثي ۾ ٻن سڳن ڀائرن سميت 3 ڄڻا فوت ٿي ويا ۽ 2 ڄڻا زخمي ٿي پيا. تيز رفتار ڪوچ موٽرسائيڪل کي ٽڪر هنيو. حادثي جي نتيجي ۾ موٽرسائيڪل سوار ٻن سڳن ڀائرن سميت 3 ڄڻا فوت ٿي ويا ۽ 2 زخمي ٿي پيا. حادثي کانپوءِ فوتين جا مڙهه ۽ زخمين کي اسپتال آندو ويو. فوتين جي وندر واسي سڃاڻپ علي محمد ۽ سندس ڀاءُ عالم داد طور ڪئي وئي. پوليس موجب تيز رفتار ڪوچ موٽرسائيڪل مٿان چڙهي وئي، جنهن سبب ٻه ڀائر چيڀاٽجي فوت ٿي ويا. پوليس موجب زخمي ٿيلن جي حالت ڳڻتي جوڳي آهي، جن کي اسپتال داخل ڪرايو ويو آهي.
