سنڌ اندر ڌارين ۽ ڪشميرين جي آبادڪاري خلاف مختلف شهرن ۾ جسقم ۽ ٻين تنظيمن پاران احتجاجي مظاهرا ڪيا ويا. نوابشاهه ۾ جسقم جي سڏ تي شعبان ماٽي، امداد لغاري، مسعود شاهه، هاشم لغاري، عارف خاصخيلي، طفيل سومري ۽ ٻين پريس ڪلب آڏو احتجاج ڪيو. جسقم اڳواڻن احتجاج رڪارڊ ڪرائڻ بعد علامتي بک هڙتال ڪئي. ڪنڊياري ۾ جسقم اڳواڻ هارون ڪلهوڙي، نويد گهانگهري، سهراب مڱرئي، سڄڻ پيرزادي، سلطان گهانگهري، زاهد ملاح ۽ ٻين جي اڳواڻي ۾ نيشنل پريس ڪلب اڳيان احتجاجي مظاهرو ڪيو ويو. محرابپور ۾ جسقم پاران ضمير ميمڻ، آفتاب چاچڙ ۽ ٻين جي اڳواڻي ۾ احتجاجي ريلي ڪڍي علامتي بک هڙتال ڪئي وئي. کپري ۾ سياسي سماجي ۽ قومپرست تنظيم جي ڪارڪنن پاران احتجاجي مظاهرو ڪيو ويو. ان موقعي تي اڳواڻن چيو ته سنڌ کي هٿ وٺي تباهه ڪرڻ جي سازشون ڪيون پيون وڃن، اهڙي سازشن کي ڪامياب ٿيڻ نه ڏنو ويندو. هنن چيو ته سنڌ جي ٻيٽن تي وفاق ولار ڪري ٿو، ڪڏهن وري سنڌ جون زمينون وڪرو ڪرڻ جي ڪوشش ڪئي پئي وڃي، هاڻ سنڌ ۾ ڌارين کي آباد ڪيو پيو وڃي. هنن چيو ته ھڪ سوچيل سمجھيل سازش تحت سنڌ ۾ سنڌين کي اقليت ۾ تبديل ڪيو پيو وڃي جنھن جي هو مذمت ڪن ٿا. سندن چوڻ هو ته سنڌ ۾ افغانين سميت ٻين کي آباد ڪيو ويو آهي، هاڻي ڪشميرين کي آباد ڪرڻ جي تياري ٿي رهي آهي. اڳواڻن مطالبو ڪندي چيو ته سنڌ ۾ ڪشمرين سميت ٻين ڌارين جي آبادڪاري بند ڪئي وڃي، ٻي صورت ۾ احتجاج جو دائرو وڌايو ويندو.
ڪراچي شهر جي مختلف علائقن ۾ هلڪي برسات سبب موسم خوشگوار ٿي وئي
ڪراچي شهر جي مختلف علائقن ۾ هلڪي برسات سبب موسم خوشگوار ٿي وئي آهي. گلستان جوهر، ڀٽائي آباد، پهلوان ڳوٺ،...
