پرڏيهي وزير شاهه محمود قريشي چيو آهي ته وزيراعظم جي دوري دوران معاشي سهڪار تي ڳالهيون ٿيون، سريلنڪا سان ٻه طرفي لاڳاپا هميشه سٺا رهيا آهن، دفاع ۽ سڪيورٽي هڪجهڙي اهميت رکن ٿا. سريلنڪا جي راڄڌاني واري شهر ڪولمبو ۾ ميڊيا سان ڳالهائيندي شاهه محمود قريشي چيو ته سريلنڪا سان هميشه ٻطرفي لاڳاپا سٺا رهيا آهن. هن چيو ته وزيراعظم جي دوري دوران معاشي سهڪار تي ڳالهيون ٿيون. سندس چوڻ هو ته دفاع ۽ سڪيورٽي هڪجهڙي اهميت رکن ٿا. پرڏيهي وزير چيو ته پاڪستان کان اڳ ايف اي ٽي ايف سريلنڪا سان ٺاهه ڪيو. شاهه محمود قريشي جو چوڻ هو ته پاڪستان ۽ سريلنڪن وزيراعظمن واپار ۽ سيڙپڪاري وڌائڻ تي پڻ خيالن جي ڏي وٺ ڪئي. هن چيو ته بزنس ڪائونسل جي اجلاس ۾ معاشي رابطن ۽ واپاري لاڳاپن کي هٿي وٺرائڻ تي به ڳالهيون ٿيون. سندس چوڻ هو ته سريلنڪا پندرنهن ملين ڊالر جي ڪريڊٽ لائن جي پيش ڪئي آهي. پرڏيهي وزير چيو ته ٻنهي ملڪن وچ ۾ دهشتگردي جي خلاف ڄاڻ جي مٽاسٽا ۽ سکيا جي لاءِ سهڪار جاري رهندو. شاهه محمود قريشي چيو ته پاڪستان جي مشهور ميڊيڪل اسٽيٽيوٽن ۾ سريلنڪن شاگردن کي وڌيڪ هڪ سئو وظيفا ڏنا ويندا. پرڏيهي وزير جو چوڻ هو ته راندين جي ميدان ۾ سريلنڪا سان سهڪارڪيو پيو وڃي، جڏهن ته سريلنڪا جي قديم يونيورسٽي ۾ ڪلچرل سينٽر ٺاهڻ جو ارادو آهي.
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي
سڄي ملڪ ۾ زڪوات جي ڪٽوتي لاءِ بينڪ اڄ عوام لاءِ بند رهندي، اسٽيٽ بينڪ جو چوڻ آهي ته رمضان...
