پ پ ايم اين اي شازيه مري ۽ سينيٽر مصطفيٰ نواز کوکر چيو آهي ته اليڪشن ڪميشن جي نوٽيفڪيشن بعد حڪومت گــُــڏڙن جي سرڪار ثابت ٿي آهي، سپريم ڪورٽ جي راءِ انگريزي ۾ هئي تنهن ڪري حڪومت سمجهي نه سگهي ۽ ان کي پنهنجي فتح قرار ڏنو، حڪومت جو صدارتي ريفرنس ۽ آرڊيننس ٻئي فارغ ٿي چڪا آهن، هاڻي حڪومت ملڪ کي آرڊيننس ذريعي نٿي هلائي سگهي. جاري ڪيل بيان ۾ شازيه مري چيو ته سپريم ڪورٽ سينيٽ چونڊ بابت آئين تي عمل لازمي قرار ڏنو آهي، هو فيصلي جي آجيان ڪن ٿا. هن چيو ته حڪومت جو صدارتي ريفرنس ۽ آرڊيننس ٻئي فارغ ٿي چڪا آهن، هاڻي حڪومت ملڪ کي آرڊيننس ذريعي نٿي هلائي سگهي. شازيه مري چيو ته عدالتي فيصلي سبب حڪومت پريشان نظر اچي رهي آهي ۽ اليڪشن ڪميشن حڪومتي دٻاءُ سبب آئين جي ڀڃڪڙي نه ٿي ڪري سگهي. پ پ ايم اين اي چيو ته پي ٽي آءِ کي پنهنجن ميمبرن تي اعتماد ناهي، تنهن ڪري اهي وائڙائپ جو شڪار آهي. هوڏانهن پ پ سينيٽر مصطفيٰ نواز کوکر جاري ڪيل بيان ۾ چيو ته اليڪشن ڪميشن جي نوٽيفڪيشن بعد پي ٽي آءِ حڪومت گــُــڏڙن جي سرڪار ثابت ٿي آهي، سپريم ڪورٽ جي راءِ انگريزي ۾ هئي تنهن ڪري حڪومت سمجهي نه سگهي ۽ ان کي پنهنجي فتح قرار ڏنو. هن چيو ته هاڻي سليڪٽيڊ کي اليڪشن ۽ سليڪشن جي فرق بابت خبر پئجي وئي، عمران خان جي افلاطونن کي اڃا به ڪجهه سمجهه ۾ نه ٿو اچي ته ڪو ماڻهو رکن. مصطفيٰ نواز کوکر چيو ته عمران خان کي پنهنجي شڪست يقيني نظر اچي رهي آهي، ان ڪري چونڊ کان ڀڄي رهيو آهي.
ڪوئيٽا جي هزار گنجي واري علائقي ۾ ڌماڪي جي نتيجي ۾ ٽي ڄڻا زخمي ٿيا
ڪوئيٽا جي هزار گنجي واري علائقي ۾ ڌماڪي جي نتيجي ۾ ٽي ڄڻا زخمي ٿيا، جن مان ٻن جي حالت...
