سنڌ ۾ رولو ۽ ڇتن ڪتن جو آزار گهٽ نه ٿي سگهيو آهي، مختلف شهرن ۾ ڪتن عورتن ۽ ٻارڙن سميت تيرنهن ڄڻن کي ڏاڙهي زخمي ڪري وڌو. غوثپور ۾ ڪتن حملو ڪري هڪ عورت ۽ ٽن ٻارڙن سميت ستن ڄڻن کي زخمي ڪيو. ڪتن جي ڏاڙهيل عورت ۽ ٽن ٻارڙن سميت ٻين کي وارثن علاج لاءِ سرڪاري اسپتال آندو. سرڪاري اسپتال ۾ ڪتن جي ڏاڙهيلن کي ڪتي جي چڪ کان بچاءَ واري ويڪسين ڪئي وئي. ان موقعي تي متاثرن جي وارثن ٻڌايو ته شهر ۽ ڀرپاسي ۾ ڪتن جو آزار وڌي ويو آهي پر لاڳاپيل انتظاميه تحرڪ ناهي ورتو. هنن مطالبو ڪندي چيو ته علائقي ۾ ڪتا مار مهم شروع ڪري پريشاني کان بچايو وڃي. قمبر ۾ رولو ڪتن ٻن عورتن سميت ٽن ڄڻن کي ڏاڙهي زخمي ڪيو. ڪتي جي ڏاڙهيل 50 ورهين جي امام زادي، 40 ورهين جي حسنا ۽ نينگر شاهد علي کي اسپتال پهچايو ويو. سرڪاري اسپتال ۾ زخمين کي ويڪسين ڪئي وئي. عثمان شاهه هڙي ويجهو ڳوٺ عمر ساند ۾ ڪتي ٽن ورهين جي نينگري کي حملو ڪري زخمي ڪري وڌو. ڇتي ڪتي عزين راڄپوت کي چڪي زخمي ڪيو. زخمي ٿيل نينگري کي پي پي ايڇ آءِ سينٽر آندو ويو، جتي کيس ويڪسين نه هئڻ ڪري واپس ڪيو ويو. ان موقعي تي متاثر نينگري جي وارثن دانهون ڪندي ٻڌايو ته سندن ڳوٺ ۾ ڪتن جو آزار وڌي ويو آهي، جنهن ڪري ٻارڙا اسڪول به نٿا وڃي سگهن. هنن مطالبو ڪندي چيو ته جلد رولو ڪتن کي ماري پريشاني کان بچايو وڃي. غلام الله ويجهو رولو ڪتن هڪ ڳوٺاڻي کي ڏاڙهي زخمي ڪيو. گلشير سنو شهر وڃي رهيو هو ته رستي ۾ ڪتن مٿس حملو ڪري رتورت ڪري وڌو. زخمي ٿيل کي علاج لاءِ مڪلي جي سرڪاري اسپتال منتقل ڪيو ويو.
لاهور سميت پنجاب جي ڪيترن ئي علائقن ۾ تيز برسات سبب بجلي جي فراهمي معطل ٿي وئي
لاهور سميت پنجاب جي ڪيترن ئي علائقن ۾ تيز برسات سبب بجلي جي فراهمي معطل ٿي وئي، موسميات کاتي جو...
