رتيديري ويجهو جلباڻي ۽ ڪٽوهر برادري جي ٻن ڌرين م جهيڙو ٿيڻ سبب 3 ڄڻا مارجي ويا ۽ هڪ زخمي ٿي پيو. ڪٽوهر برادي جي هٿياربندن پراڻي دشمني تان ڳوٺ يعقوب جلباڻي تي حملو ڪري فائرنگ ڪري ڏني جنهن جي نتيجي ۾ گوليون لڳڻ سبب 30 ورهين جو ايوب جلباڻي، 32 ورهين جو نياز ۽ هڪ واٽهڙو 14 ورهين جو نينگر سيد روشن شاه قتل ٿي ويا. جڏهن ته هڪ ڄڻو آصف جلباڻي زخمي ٿي پيو آهي. اطلاع ملڻ تي پوليس واقعي واري هنڌ پهچي مقتولن جا لاش پوسٽ مارٽم لاءِ تعلقه اسپتال رتوديرو آندا جتان ضروري ڪارروائي بعد لاش سندن وارثن حوالي ڪيا ويا. ياد رهي ته هن کان اڳ ٻنهي ڌرين ڄاڻايل ڳوٺ ۾ پڻ هڪٻئي مٿان فائرنگ ڪئي هئي جنهن ۾ چار ڄڻا قتل ٿي چڪا آهن. هوڏانهن تعلقه اسپتال رتوديرو ۾ عبدالخالق جلباڻي ميڊيا سان ڳالهائيندي چيو ته ڪٽوهرن برادري جي هٿياربند سندن گھرن مٿان فائرنگ ڪري نوجوانن کي قتل ڪيو آهي. هن چيو ته اطلاع ڪرڻ باوجود پوليس وقت تي نھ پهچي جنهن سبب واقعو پيش آيو. سندس چوڻ هو تٿھ واقعي ۾ سرو ڪٽوهر ، بهارو ڏاهاڻي ، بگٽي ڌاڙيل ۽ ٻيا ملوث آهن جيڪي انتهائي خطرناڪ ۽ ڏوهاري قسم جا ماڻهو آهن. هوڏانهن آخري اطلاعن تائين واقعي جو ڪوبه ڪيس داخل ٿي نه سگھيو.
دريا خان مري ڀرسان قبرستان جي معاملي تان ٻن ڌرين ۾ جهيڙو 2 ڄڻا مارجي ويا
دريا خان مري ڀرسان قبرستان جي معاملي تان ٻن ڌرين ۾ جهيڙي جي نتيجي ۾ 2 ڄڻا مارجي ويا ۽...
