سپريم ڪورٽ، اين اي 75 ڊسڪا تي ننڍي چونڊ فوري طور روڪرائڻ لاءِ پي ٽي آءِ جي درخواست رد

سپريم ڪورٽ، اين اي 75 ڊسڪا تي ننڍي چونڊ فوري طور روڪرائڻ لاءِ پي ٽي آءِ جي درخواست رد ڪندي اليڪشن ڪميشن کان جواب طلب ڪري ورتو. سپريم ڪورٽ ۾ ڊسڪا جي اين اي 75 بابت اليڪشن ڪميشن جي فصلي خلاف پاڪستان تحريڪ انصاف جي داخل درخواست جي ٻڌڻي ٿي. درخواست جي چيف جسٽس گلزار احمد  جي سربراهي ۾ ٽه رڪني بئنچ  ٻڌڻي ڪئي. درخواست ڏيندڙ جي وڪيل شهزاد شوڪت دليل ڏيندي چيو ته سڀئي چئي رهيا آهن ته تڪ جي 23 پولنگ اسٽيشنن تي مسئلو ٿيو، وزيراعظم بيان ڏئي چڪو آهي ته 23 پولنگ اسٽيشنن تي ٻيهر چونڊ ڪرائي وڃي. وڪيل موقف اختيار ڪيو ته پارٽي چيئرمين جي بيان کانپوءِ اليڪشن ڪميشن جو موقف مٽيو ۽ پوري تڪ ۾ چونڊ ڪرائڻ جو چيو، اليڪشن ڪميشن وٽ ٻيهر چونڊ ڪرائڻ جو اختيار ناهي.جنهن تي جسٽس عمر عطا بنديال چيو ته اليڪشن صاف ۽ شفاف طريقي سان ٿيڻ گهرجي. تحريڪ انصاف جي وڪيل چيو ته ن ليگ صرف 23 پولنگ اسٽيشنن تي اعتراض واريو هو، آر او موجب 360 ۾ مان 340 پولنگ اسٽيشنن جي نتيجن تي اعتراض نه ورايو ويو، وزيراعظم 23 پولنگ اسٽيشنن تي ٻيهر چونڊ ڪرائڻ تي اعتراض ناهي. ٻڌڻي دوران پاڪستان تحريڪ انصاف اپيل تي فيصلو اچڻ تائين ٻيهر چونڊ ڪرائڻ واري حڪم کي معطل ڪيو وڃي. وڪيل شهزاد شوڪت دليل ڏيندي چيو ته اليڪشن ڪميشن اختيار اورانگهيا آهن، ايندڙ ٻڌڻي تان اليڪشن ڪميشن جي حڪم کي معطل ڪيو وڃي. جسٽس عمر عطا بنديال رمارڪس ڏيندي چيو ته ٿي سگهي ٿو پولنگ ڏهاڙي کان اڳ ٻڌڻي مڪمل ٿي وڃي، اليڪشن ڪميشن جي اختارين جي دائري بابت دليل ڏيو. سپريم ڪورٽ  اين اي 75 ڊسڪا تي ننڍي چونڊ بابت اليڪشن ڪميشن کان تفصيلي جواب طلب ڪندي تحريڪ انصاف جي چونڊ فوري طور روڪرائڻ واري درخواست رد ڪئي. عدالت اليڪشن ڪميشنجي جواب جو جائزو وٺڻ کانپوءِ پي ٽي آءِ جي درخوست رد ڪرڻ جو فيصلو ڪيو.سپريم ڪورٽ درخواست تي ٻڌڻي اڱاري تائين ملتوي ڪري ڇڏي.

وڌيڪ پڙهو…