سينيٽ چيئرمين ۽ ڊپٽي چيئرمين جي عهدي لاءِ اڄ چونڊ ٿيندي، پي ڊي ايم جي يوسف رضا گيلاني ۽ حڪومتي اميدوار صادق سنجراڻي ۾ سخت مقابلي جو امڪان آهي. پي ڊي ايم سينيٽ چيئرمين لاءِ يوسف رضا گيلاني ۽ ڊپٽي چيئرمين لاءِ مولانا عبدالغفور حيدري جا نامزدگي ڪاغذ حاصل ڪري ورتا آهن. ٻنهي عهدن لاءِ ڪاغذن جا ٽي ٽي سيٽ حاصل ڪيا ويا آهن. چيئرمين ۽ ڊپٽي چيئرمين لاءِ نامزدگي ڪاغذ پ پ اڳواڻ شيري رحمان، فاروق ايڇ نائيڪ، جي يو آءِ جي عبدالغفور حيدري ۽ مولانا عطاءُ الرحمان حاصل ڪيا آهن. مخالف ڌر جي ميمبرن بيلٽ پيپرن جا نمونا به سينيٽ جي سيڪريٽري کان حاصل ڪيا آهن. حڪومت طرفان صادق سنجراڻي چيئرمين لاءِ اميدوار آهي، جڏهن ته قبائلي ضلعن سان تعلق رکندڙ مرزا آفريدي کي ڊپٽي چيئرمين جي عهدي لاءِ سينيٽ جي سيڪريٽري موجب سائو بيلٽ پيپر سينيٽ چيئرمين ۽ گلابي بيلٽ پيپر ڊپٽي چيئرمين لاءِ آهي. صادق سنجراڻي طرفان عهدو ڇڏڻ کانپوءِ پرزائيڊنگ آفيسر نون چونڊيل سينيٽرن کان عهدي جو قسم وٺندو. سينيٽرن جي قسم کڻڻ کانپوءِ پزائيڊنگ آفيسر چيئرمين ۽ ڊپٽي چيئرمين جي چونڊ جي شيڊول جو اعلان ڪندو. شيڊول جي اعلان کانپوءِ اميدوار نامزدگي ڪاغذ جمع ڪرائيندا. سينيٽ سيڪريٽريٽ ڇنڊڇاڻ کانپوءِ قطئي اميدوارن جو اعلان ڪندي. پرزائيڊنگ آفيسر سينيٽ چيئرمين جي چونڊ ڪرائيندو. پرزائيڊنگ آفيسر ڪامياب اميدوار کان قسم وٺي سينيٽ چيئرمين جي سيٽ حوالي ڪندو. سينيٽ چيئرمين ڊپٽي چيئرمين جي چونڊ ڪرائيندو. چيئرمين ۽ ڊپٽي چيئرمين جي چونڊ ڳجهي ووٽنگ ذريعي ٿيندي.
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي
سيالڪوٽ ۽ ڀرپاسي ۾ وقفي وقفي سان برسات تباهي مڇائي ڇڏي آهي، گهٽين ۾ بيٺل مينهن جو پاءُ تلاءُ جو...
