سنڌ ٽي وي نيوز پاڪستان ڊيموڪريٽڪ موومينٽ جي اجلاس جي اندروني ڪهاڻي هٿ ڪري ورتي آهي

سنڌ ٽي وي نيوز پاڪستان ڊيموڪريٽڪ موومينٽ جي اجلاس جي اندروني ڪهاڻي هٿ ڪري ورتي آهي. ذريعن موجب اڳوڻي آصف علي زرداري جي خطاب کانپوءِ ماحول سنجيده  ٿي ويو. ذريعن جو چوڻ هو ته پ پ جي شريڪ چيئرمين جي تنقيد دوران نواز شريف جي منهن جا تاثر مٽجندا رهيا. ذريعن جو چوڻ هو ته هڪ موقعي تي نواز شريف وڊيو لنڪ کان هٽڻ جي ڪوش ڪئي ته اسحاق ڊار سندس هٿ پڪڙي ورتو. ذريعن موجب مريم نواز هڪ موقعي تي اجلاس ۾ هلي وئي ۽ سج لٿي جي نماز جي وقفي ۾ پنهنجي والد نواز شريف سان ڳالهه ٻولهه ڪئي. ذريعن جو چوڻ هو ته مولانا فضل الرحمان مسلسل زرداري کي استعيفيٰ  جو موقف مٽائڻ لاءِ چوندو رهيو. ذريعن موجب اڳوڻي صدر چيو ته جيڪو چوڻو هو چئي ڇڏيو آهي سندس ۽ پارٽي جو موقف ساڳيو آهي. ذريعن موجب  مولانا فضل چيو ته جيڪڏهن اوهان ٻه پارٽي اتحاد ٺاهڻ چاهيو ٿا ته پي ڊي ايم جي سربراهي ڇڏي  ٿو ڏيان. ذريعن جو چوڻ هو ته فضل الرحمان پاران پي ڊي ايم جي سربراهي ڇڏڻ جي ڌمڪي تي اجلاس ۾ موجود ٻين اڳواڻن کيس ٿڌو ڪيو. ذريعن موجب مولانا فضل الرحمان جو چوڻ هو ته  جيڪڏهن ائين ئي هلندو رهيو ته  اتحاد گهڻي دير نه هلي سگهندو. ذريعن جو چوڻ هو ته ن ليگ اعتراض واريندي چيو ته آصف علي زرداري سڀ ڪجهه طئي ڪيل منصوبي تحت ڪيو ۽ کين بي خبر رکيو.

وڌيڪ پڙهو…