سپريم ڪورٽ سنڌ اسيمبلي جي اسپيڪر آغا سراج دراني جي ضمانت تي آزادي بابت سنڌ هاءِ ڪورٽ جي فيصلي کي ڪالعدم قرار ڏئي ڇڏيو. سپريم ڪورٽ جي جج جسٽس عمر عطا بنديال جي سربراهي ۾ ٽي رڪني بئنچ درخواست جي ٻڌڻي ڪئي. ٻڌڻي دوران پراسيڪيوٽر جنرل نيب دليل ڏيندي چيو ته سنڌ هاءِ ڪورٽ حقيقتن جو جائزو ناهي ورتو، سراج دراني جا آمدني کان وڌيڪ اثاثن جا سمورا ثبوت پيش ڪيا. ان موقعي تي آغا سراج دراني جي وڪيل موقف اختيار ڪيو ته نيب جي ڪنهن به ماڻهو موقعي تي وڃي جائيدانن جو جائزو ناهي ورتو. وڪيلن جي دليلن تي جسٽس عطا بنديال رمارڪس ڏيندي چيو ته سنڌ هاءِ ڪورٽ جي فيصلي ۾ ڪو سبب بيان ناهي ڪيو ويو، بنا ڪارڻ جي ڪيس ۾ ضمانت ڏني وئي؟ ڪيس جي ٻيهر هاءِ ڪورٽ ۾ هاءِ ڪورٽ ٻيهر رمانڊ ڏيندي آهي ۽ فيصلي جي تفصيلي ڪارڻ باوجود بعد جاري ڪيا ويا. عدالت شريڪ جوابدارن جي وڪيل کي هائيڪورٽ ۾ دليل ڏيڻ جي هدايت ڪندي ڪيس اڪلائي ڇڏيو ۽ آغا سراج دراني سميت سمورن جوابدارن جو ڪيس سنڌ هاءِ ڪورٽ واپس اماڻيو. عدالت حڪم ڏنو ته سنڌ هائيڪورٽ حقيقتن جو ٻيهر جائزو وٺي ٻن مهينن اندر فيصلو ڪري.
دريا خان مري ڀرسان قبرستان جي معاملي تان ٻن ڌرين ۾ جهيڙو 2 ڄڻا مارجي ويا
دريا خان مري ڀرسان قبرستان جي معاملي تان ٻن ڌرين ۾ جهيڙي جي نتيجي ۾ 2 ڄڻا مارجي ويا ۽...
