وڏي وزير سيد مراد علي شاهه چيو آهي ته استعيفائن بابت پيپلزپارٽي جو موقف واضح آهي، استعيفائون وقت اچڻ تي استعمال ڪرڻ گهرجن، هو يوٽرن وٺڻ وارن مان ناهن. وڏي وزير سيد مراد علي شاهه ڪراچي جي علائقي حسين آباد ۾ قائم ٽيچرز ٽريننگ انسٽيٽيوٽ جو دورو ڪيو. دوري دوران وڏي وزير سيد مراد علي شاهه کي انتظاميه طرفان بريفنگ ڏني وئي. ان موقعي تي ميڊيا سان ڳالهائيندي وڏي وزير مراد علي شاهه چيو ته پيپلزپارٽي ضرورت پوڻ تي استعيفيٰ ڏيندي، ان حوالي سان سندن موقف چٽو آهي. سندس چوڻ سنڌ حڪومت کي هن وقت تائين 80 بلين رپيا گهٽ مليا آهن، فنڊ گهٽ ملڻ ڪري مئسلا ٿين ٿا. مراد علي شاهه چيو ته وفاق ٽيڪس اوڳاڙي ۾ ناڪام ويو آهي، هو چاهين ٿا ته وفاق ٽيڪس اوڳاڙي جو اختيار صوبن کي ڏئي. هن چيو ته نالن جي صفائي لاءِ به وفاق حصي جو فنڊ ناهي ڏنو. وڏي وزير سيد مراد علي شاهه جو چوڻ هو ته سنڌ ڪابينا ۾ ڦيرڦار ضرورت تحت ٿيندي آهي، ضرورت پئي ته ڪابينا ۾ ڦيرڦار ڪئي ويندي. سندس چوڻ هو ته وٽن 29 ٽيچرز ٽريننگ ڪاليج آهن، جيڪڏهن هو انهن کي بهتر طريقي سان استعمال ڪن ته بهترين استاد تيار ٿي سگهن ٿا.
حيدرآباد ۾ باهه لڳڻ سبب زخمي ٿيل ٻن عورتن سميت 3 ڄڻا فوت ٿي ويا
حيدرآباد ۾ باهه لڳڻ سبب زخمي ٿيل ٻن عورتن سميت 3 ڄڻا فوت ٿي ويا. چار ڏينهن اڳ ڪچي قلعي...
