سنڌ ۾ ڪورونا وائرس جا وڌيڪ 232 ڪيس ظاهر ٿيا، جڏهن ته 24 ڪلاڪن دوران ڪو به مريض وائرس سبب فوت ناهي ٿيو، 146 مريض صحتياب ٿيڻ بعد صوبي ۾ علاج هيٺ مريضن جو انگ 5 هزار 80 رهجي ويو آهي.سنڌ ۾ ڪورونا وائرس بابت بيان جاري ڪندي وڏي وزير سيد مراد علي شاهه چيو ته 24 ڪلاڪن دوران 8 هزار 975 ٽيسٽون ڪيون ويون، جن مان 232 ڪيس ظاهر ٿيا، هيل تائين ڪيل 32 لک 12 هزار 618 ٽيسٽن مان 2 لک 63 هزار 289 ڪيس ظاهر ٿي چڪا آهن.هن چيو ته 24 ڪلاڪن دوران ڪو به مريض وائرس سبب فوت ناهي ٿيو، صوبي ۾ ڪورونا سبب فوتين جو انگ 44 سئو 79 آهي. سندس چوڻ هو ته 24 ڪلاڪن دوران وڌيڪ 146 مريض صحتياب ٿي ويا، جنهن بعد صحت ماڻيندڙن جو انگ 2 لک 53 هزار 730 ٿي ويو آهي. وڏي وزير چيو ته صوبي ۾ 5 هزار 80 مريض علاج هيٺ آهن، جن مان 48 سئو 8 گهرن، 8 آئسوليشن مرڪزن ۽ 265 مختلف اسپتالن ۾ داخل آهن، 245 مريضن جي حالت ڳڻتي جوڳي ۽ 36 وينٽيليٽر تي آهن. هن چيو ته نون ڪيسن مان 90 جو تعلق ڪراچي سان آهي، جن مان اوڀر ضلعي ۾ 32، اولهه ۾ 21، ڪورنگي ۾ 16، ڏکڻ ضلعي ۾ 15، سينٽرل ۽ ملير ۾3-3 نوان ڪيس ظاهر ٿيا. وڏي وزير چيو ته حيدرآباد ۾ 30، شهيد بينظير آباد ۾ 15، ڪشمور ۾ 14، لاڙڪاڻي ۾ 11، شڪارپور ۾ 9، جيڪب آباد ۽ سانگهڙ ۾ 7-7، گهوٽڪي، ميرپورخاص ۽ مٽياري ۾ 6-6، قمبر ۽ نوشهروفيروز ۾ 5-5، سجاول ۽ ٽنڊي الهيار ۾ 4-4، خيرپور ۾ 3، بدين ۾ 2 ۽ ڄامشوري ۾ هڪ ڪيس ظاهر ٿيو.
خيرپور ناٿن شاهه ويجهو روڊ حادثي جي نتيجي ۾ هڪ ڄڻو فوت ۽ ٽي زخمي ٿي پيا
خيرپور ناٿن شاهه ويجهو روڊ حادثي جي نتيجي ۾ هڪ ڄڻو فوت ۽ ٽي زخمي ٿي پيا آهن. انڊس هاءِ...
