ڪرپشن ۽ چوري جا ٺيڪار ڏيندڙ عمران خان ڪرپٽ ناهي ته پاڪستان حقيقت ۾ ڪرپشن فري ملڪ آهي، مريم نوانگزيب

مسلم ليگ ن جي ترجمان مريم اورنگزيب چيو آهي ته ڪرپشن ۽ چوري جا ٺيڪار ڏيندڙ عمران خان ڪرپٽ ناهي ته پاڪستان حقيقت ۾ ڪرپشن فري ملڪ آهي، معيشت روزگار، ڪاروبار جي تباهي ۽ مهانگائي جي ذميوار نيازيءَ کي سزا نه ملي ته ڪهڙو فائدو ؟ وفاقي وزير فواد چوڌري جي ٽوئٽ تي ردعمل ۾ مريم اورنگزيب چيو ته عوام کي اميد آهي ته فارن فنڊنگ ڪيس، 23 ڳجهن اڪائونٽن، عليمه باجي جي سلائي مشين، مالم جبه جي وارداتن، بلين ٽري ڪرپشن سونامي، بي آر ٽي  ڪيسن کي انجام تائين پهچايو وڃي.  هن چيو ته 14 هزار ارب قرض ڦريندڙ، 400 ارب جي کنڊ هڙپ ڪندڙ، 225 ارب جو اٽو کائيندڙ عمران خان کي سزا نه مليَ ته ڪهڙي فائدو ٿيندو؟ مريم اورنگزيب چيو ته جيڪڏهن عوام جو اٽو، کنڊ، بجلي، گيس ۽ دوا چوري ڪندڙ ڪرپٽ ناهي ته پاڪستان ڪرپشن فري آهي.

وڌيڪ پڙهو…