برما ۾ جمهوري حڪومت کي فوج طرفان برطرف ڪرڻ خلاف سومر ڏهاڙي 14 ڄڻا مارجي ويا جنهن بعد مظاهرن ۾ مارجي ويلن جو انگ 5 سئو 10 تائين پهچي ويو. برما ۾ فوج طرفان سويلين حڪومت جو تختو اوندهو ڪرڻ خلاف ملڪ ۾ سول سوسائٽي سان گڏ هر شعبي سان تعلق رکندڙ شهرين پاران احتجاجي مظاهرا ڪيا ويا آهن. ان سلسلي ۾ هڪ نئين قسم جو احتجاج پڻ سامهون آيو آهي جنهن ۾ ڪچرو کڻندڙ پاران ڪچرو روڊن ۽ رستن تي اڇلائي پنهنجو احتجاج ريڪارڊ ڪرايو ويو آهي. نه رڳو اهو پر برما ۾ فوجي حڪومت جي غير جمهوري عمل خلاف ردِعمل ڏيندي آمريڪا، برطانيه، ڪينيڊا ۽ يورپي يونين پاران برمي فوجي حڪومت تي پابندين جو اعلان ڪيو ويو آهي.
