سنڌ هاءِ ڪورٽ، پ پ اڳواڻ نثار کهڙو جو نالو اي سي ايل مان ڪڍڻ جو حڪم ڏيندي کيس پرڏيهه وڃڻ جي اجازت ڏئي ڇڏي

سنڌ هاءِ ڪورٽ، پ پ اڳواڻ نثار کهڙو جو نالو اي سي ايل مان ڪڍڻ جو حڪم ڏيندي کيس پرڏيهه وڃڻ جي اجازت ڏئي ڇڏي. جسٽس محمد علي ڪلهوڙي جي سربراهي ۾ بينچ نثار کهڙو جي درخواست تي ٻڌڻي ڪئي. نيب پراسيڪيوٽر ٻڌايو ته نثار کهڙو خلاف ٽي انڪواريون هلي رهيون آهن، خدشو آهي ته جوابدار ملڪ کان ٻاهر وڃڻ بعد واپس نه ايندو، کيس پرڏيهه وڃڻ جي اجازت نه ڏني وڃي. نثار کهڙي جي وڪيل چيو ته سندس اصيل جا گهر ڀاتي پرڏيهه ۾ آهن، هو ڪورونا ۽ لاڪ ڊائون سبب گهر ڀاتين سان ناهي ملي سگهيو. هن چيو ته گهر ڀاتين سان ملڻ لاءِ نثار کهڙو کي ٻاهر وڃڻ جي اجازت ڏني وڃي. عدالت موقف ٻڌڻ بعد پ پ اڳواڻ نثار کهڙو جو نالو اي سي ايل مان ڪڍڻ جو حڪم ڏيندي پرڏيهه وڃڻ جي اجازت ڏئي ڇڏي.

وڌيڪ پڙهو…