سنڌ هاءِ ڪورٽ پاران گم ٿيل ماڻهن کي بازياب ڪرائڻ جو حڪم

سنڌ هاءِ ڪورٽ گم ٿيل ماڻهن کي بازياب ڪرائڻ جو حڪم ڏيندي وفاقي گهرو  سيڪريٽري ۽ ڊي جي ايف آءِ اي کان رپورٽ طلب ڪري ورتي. گم ٿيل ماڻهن جي بازيابي بابت درخواستن تي ٻڌڻي ٿي. عدالتي حڪم تي صوبائي گهرو سيڪريٽري عدالت ۾ پيش ٿيو. گهرو سيڪريٽري عدالت کي ٻڌايو ته گم ٿيل ماڻهن جي بازيابي لاءِ قدم کڻي رهيا آهن. عدالت پڇاڻو ڪيو ته گم ٿيلن لاءِ فوڪل پرسن جي تبديلي لاءِ ڇا ڪيو ويو.؟ گهرو سيڪريٽري ٻڌايو ته ايڊيشنل سيڪريٽري کي فوڪل پرسن مقرر ڪيو ويو آهي. عدالت چيو ته نئون فوڪل پرسن پيش ڇو ناهي ٿيو. گهرو سيڪريٽري چيو ته ايڊيشنل سيڪريٽري موڪل تي آهي، سومر کان عدالت ۾ پيش ٿيندو. عدالت گم ٿيلن ماڻهن بابت وفاقي حڪومت جي رپورٽ تي ڪاوڙ جو اظهار ڪيو. عدالت چيو ته  وفاقي گهرو سيڪريٽري کان ملڪ ۾ قائم حراستي مرڪزن جي فهرست ۽ قيد شهرين جانالا گهريا هئا، پيش ڪيل رپورٽ حراستي مرڪزن جي ناهي. عدالت چيو ته بار بار طلبي باوجود وفاقي گهرو سيڪريٽري طرفان حراستي مرڪزن جي رپورٽ پيش ناهي ڪئي وئي. عدالت اعتراض لڳائي رپورٽ اسسٽنٽ اٽارني جنرل ڏانهن موڪلي ڇڏي. سنڌ هاءِ ڪورٽ گم ٿيل ماڻهن کي بازياب ڪرائڻ جو حڪم ڏيندي وفاقي گهرو  سيڪريٽري ۽ ڊي جي ايف آءِ اي کان رپورٽ طلب ڪري ورتي. عدالت حڪم ڏيندي چيو ته آءِ جي سنڌ، ڊي جي رينجرز ۽ ٻيا 6 مئي تائين رپورٽ پيش ڪن.

وڌيڪ پڙهو…