ڪراچي ۾ سي ٽي ڊي ۽ رينجرز ڪارروائي , دهشتگرد گرفتار

ڪراچي ۾ سي ٽي ڊي ۽ رينجرز ڪارروائي ڪندي سي ٽي ڊي جي ريڊ بڪ ۾ شامل پابندي مڙهيل لشڪر جهنگوي جي دهشتگردي کي گرفتار ڪري ورتو. سي ٽي ڊي عملدار موجب گرفتار دهشتگرد احمد علي عرف ٽي ٽي جي قبضي مان  هٿيار ۽ دستي بم هٿ ڪيا ويا آهن. هن چيو ته جيل موجود پابندي پيل تنظيم جي قيدي دهشتگرد قاسم رشيد جو ويجهو ساٿي آهي. سندس چوڻ هو ته گرفتار دهشتگرد 2011ع ۾ ايم ڪيو ايم يونٽ 174 جي ميمبر موسيٰ کي قتل ڪيو هو. سي ٽي ڊي عملدار چيو ته جوابدار 2011ع ۾ شاهراهه نور جهان جي حد ۾ شراب جي گتي تي فائرنگ ۾ پڻ ملوث آهي. هن چيو ته جوابدار جيل مان آزاد ٿيڻ بعد دهشتگردن سان گڏجي اهم شخصيتن جي ٽارگيٽ ڪلنگ جي منصوبابندي ڪري رهيو هو ته کيس گرفتار ڪيو ويو. سي ٽي ڊي عملدار موجب جوابدار احمد علي عرف ٽي ٽي پڇا ڳاڇا ڪئي پئي وڃي.

وڌيڪ پڙهو…