سپريم ڪورٽ جي اڳوڻي چيف جسٽس ثاقب نثار، گلگت بلتستان جي اڳوڻي چيف جج راڻا ايم شميم جا الزام رد ڪري ڪندي چيو آهي ته رانا شميم ملازمت جي مدي ۾ واڌ گهري هئي جيڪا هن نه ڏني، سندس الزام ڪوڙا ۽ بي بنياد آهن، جسٽس راڻا ايم شميم جو چوڻ آهي ته گلگت بلتستان ۽ آزاد ڪشمير جون عدالتون چيف جسٽس جي اختيار واري دائري ۾ نه ٿيون اچن، هو نوازشريف ۽ مريم نواز بابت بيان تي قائم آهي. ملڪي اخبار دعويٰ ڪئي ته گلگت بلتستان جي اڳوڻي چيف جج رانا ايم شميم پنهنجي تصديق ٿيل قسم نامي ۾ چيو ته هو ان واقعي جو شاهد آهي ته تڏهوڪي چيف جسٽس ثاقب نثار هائيڪورٽ جي هڪ جج کي حڪم ڏنو هو ته 2018ع جي عام چونڊن کان اڳ نوازشريف ۽ مريم نواز ضمانت تي آزاد نه ٿيڻ گهرجن، ٻئي پاسي کان خاطري ملڻ بعد هو پرسڪون ٿي ويو ۽ چانهه جو هڪ ٻيو ڪوپ طلب ڪيو. سپريم ڪورٽ جي اڳوڻي چيف جسٽس ثاقب نثار، نواشريف ۽ مريم نواز کي ضمانت تي آزادي ڏيڻ بابت خبرن کي بي بنياد قرار ڏيندي چيو ته گلگت بلتستان جو اڳوڻو چيف جسٽس رانا شميم مدي ۾ واڌ گهري رهيو هو، جيڪا هن نه ڏني، جڏهن ته جسٽس رٽائرڊ راڻا شميم اهڙا الزام رد ڪيا آهن. خانگي ٽي وي چئنل سان ڳالهائيندي جسٽس رٽائرڊ ثاقب نثار چيو ته اخبار ۾ لڳل خبر بي بنياد آهي، هن ڪنهن لاءِ ڪا به سفارش ناهي ڪئي. هن چيو ته اها خبر حقيقتن جي ابتڙ آهي، گلگت بلتستان جو اڳوڻو چيف جسٽس رانا شميم مدي ۾ واڌ گهري رهيو هو، جيڪا هن نه ڏني، رانا شميم چاهي پيو ته کيس چيف جسٽس جي عهدي تي واڌ ڏني وڃي، جيڪا قانون موجب نه هئي. هوڏانهن گلگت بلتستان جي اڳوڻي چيف جسٽس راڻا شميم جسٽس رٽائرڊ ثاقب نثار جا الزام رد ڪري ڇڏيا آهن. جاري ڪيل بيان ۾ جسٽس رٽائرڊ راڻا شميم چيو ته نوازشريف ۽ مريم نواز جي ضمانت بابت بيان تي هو قائم آهي. هن چيو ته قانون موجب گلگت بلتستان ۽ آزاد ڪشمير جون عدالتون چيف جسٽس جي ماتحت ناهن، کيس ملازمت واري مدي ۾ واڌ جي ضرورت نه هئي. جسٽس رٽائرڊ راڻا شميم چيو ته هو نه پر اڳوڻو چيف جسٽس ثاقب نثار ڪوڙ ڳالهائي رهيو آهي.
وقت اچي ويو آهي ته پاڪستان ۾ حقيقي جمهوريت کي موقعو ڏنو وڃي، بلاول ڀٽو
پ پ چيئرمين بلاول ڀٽو زرداري چيو آهي ته عوام جي حقن لاءِ جدوجهد جاري رهندي، وقت اچي ويو آهي...
