پاڪستان ٽئين ٽي ٽوئنٽي ميچ ۾دلچسپ مقابلي بعد بنگلاديش کي آخري بال تي شڪست ڏئي سيريز وائٽ واش ڪري ڇڏي

پاڪستان ٽئين ٽي ٽوئنٽي ميچ ۾دلچسپ مقابلي بعد بنگلاديش کي آخري بال تي شڪست ڏئي سيريز وائٽ واش ڪري ڇڏي. ڍاڪا ۾ کيڏيل آخري ٽي ٽوئنٽي ميچ ۾ بنگلاديشي ٽيم جي ڪپتان ٽاس کٽي اڳ ۾ بيٽنگ ڪرڻ جو فيصلو ڪيو ۽ مقرر اوورن ۾ ستن وڪيٽن جي نقصان تي 124 رنسون ٺاهيون. بنگلاديش طرفان محمد نعيم 47، شميم حسين 22 ۽ افيف حسين 20 رنسون ٺاهي نمايان رهيا. پاڪستان طرفان آخري ٽي ٽوئنٽي ۾ ميچ ۾ نون رانديگرن جي موقعو ڏنو ويو، شاهنواز ڏاهاڻي کي ڊيبيو ڪرايو ويو، جنهن ۾ پنهنجي پهرين ئي اوور جي ٽئين بال تي نجم الحسين کي بولڊ ڪري پهرين انٽرنيشنل وڪيٽ حاصل ڪئي. ٻين بالرن ۾ محمد وسيم ۽ عثمان قادر  2-2 ۽ حارث رئوف هڪ وڪيٽ حاصل ڪئي. بنگالي ٽيم طرفان مليل 125 رنسن جو حدف قومي ٽيم دلچسپ مقابلي بعد آخري اوور جي آخري بال تي پورو ڪيو. ميچ ان وقت دلچسپ مرحلي ۾ داخل ٿي، جڏهن ته قومي ٽيم کي کٽڻ لاءِ آخري اوور ۾ 8 رنسون گهربل هيون. آخري اوور ۾ حيدر علي، سرفراز احمد ۽ افتخار احمد آئوٽ ٿي ويا، جنهن بعد محمد نواز آخري بال چوڪو هڻي ٽيم کي کٽرايو. قومي ٽيم طرفان حيدر علي 45، محمد رضوان 40 ۽ بابر اعظم 19 رنسون ٺاهي نمايان رهيا. حيدر علي کي ميچ جو بهترين رانديگر قرار ڏنو ويو،  جڏهن ته محمد رضوان کي مين آف دي سيريز قرار ڏنو ويو ويو.

.وڌيڪ پڙهو…