حڪومت پئٽرول ڊيلرن جي مطالبن واري معاملي تي نااهليءَ جو مظاهرو ڪيو، بلاول ڀٽو

پ پ چيئرمين بلاول ڀٽو زرداري چيو آهي ته حڪومت پئٽرول ڊيلرن جي مطالبن واري معاملي تي نااهليءَ جو مظاهرو ڪيو، جنهن سبب سڄو ملڪ پريشان آهي. پئٽرول بحران تي جاري ڪيل بيان ۾ بلاول ڀٽو زرداري چيو ته ملڪ ۾ اڪثر پئٽرول پمپ بند آهن ۽ گاڏين جو ڊگهيون قطارو لڳن آهن، اها حڪومت جي ناڪامي آهي. هن چيو ته پئٽروليم ڊيلرز جي معاملي تي حڪومتي نااهليءَ سبب ملڪ ۾ افرا تفري پکيڙيل آهي، عام زندگي متاثر ڪري عمران خان هر پاڪستاني کي پريشانيءَ ۾ مبتلا ڪري ڇڏيو آهي. پ پ چيئرمين چيو ته عوام اڳ ملڪي تاريخ جي مهانگي ترين پئٽرول خريد ڪري رهيا آهن، وري پئٽروليم شين جي اگهن ۾ اضافو ٿيندو. بلاو ل ڀٽو زرداري چيو ته لوڊشيڊنگ سان گڏ مهانگي بجلي ۽ کوٽ مهانگو پئٽرول توڙي گيس پي آءِ ايم ايف ڊيل جا تحفا آهن.

وڌيڪ پڙهو…