سعودي عرب، افغانستان تي اسلامي سربراهه ڪانفرنس جو اجلاس پاڪستان ۾ طلب ڪري ورتو

سعودي عرب، افغانستان تي اسلامي سربراهه ڪانفرنس جو اجلاس پاڪستان ۾ طلب ڪري ورتو، سعودي او آءِ سِي جَي سربراهه جِي حيثيت سان اجلاس گهرايو آهي. سعودي عرب افغانستان جي صورتحال تي غور ويچار لاءِ او آءِ سي جو اجلاس 17 ڊسمبر تي پاڪستان ۾ طلب ڪري ورتو. ان حوالي سان سعودي عرب طرفان او آءِ سي جَي ميمبر ملڪن ۽ عالمي تنظيمن کي چيو ويو آهي ته اجلاس ۾ اثرائتي نموني شرڪت يقيني بڻائي وڃي. عرب ميڊيا موجب پاڪستان افغان عوام جي انساني بنيادن تي مدد ڪرڻ لاءِ اجلاس گهرائڻ جي درخواست ڪئي هئي، سعودي عرب طرفان اميد ظاهر ڪئي ويئي آهي ته اجلاس افغانستان ۾ امن امان ۽ استحڪام قائم ڪرڻ، ملڪ جي خودمختياري، اندروني ۽ ٻاهرين مداخلت کي منهن ڏيڻ ۽ دهشتگردي خلاف جنگ جي صلاحيت وڌائڻ ۾ مدد گار ثابت ٿيندي. اجلاس بابت ان اميد جو اظهار پڻ ڪيو ويو ته او آءِ سي جو اجلاس افغانستان کي دهشتگرد تنظيمن جي پناهه گاهه يا سرگرمين لاءِ استعمال نه ڪرڻ کي يقيني بڻائڻ ۾ به مددگار ثابت ٿيندو………

وڌيڪ پڙهو…