بينظير ڀٽو کي شهيد ڪري ملڪ خلاف سازش ڪئي وئي، بلاول

فائل.پ پ چيئرمين بلاول ڀٽو زرداري چيو آهي ته بينظير ڀٽو کي شهيد ڪري ملڪ خلاف سازش ڪئي وئي، آصف علي زرداري پاڪستان کپي جو نعرو هڻي سازش ناڪام بڻائي. شهيد راڻي بينظير ڀٽو جي ورسي جي موقعي تي پنهنجي پيغام ۾ چيو ته شهيد بينظير ڀٽو  مثالي عالمي ليڊر هئي، جنهن ملڪ ۾ وڏي بهادري سان جمهوريت لاءِ تاريخي جدوجهد ڪئي ۽ فلاحي رياست لاءِ قدم کنيا. سندس چوڻ هو ته  شهيد محترمه بينظير ڀٽو جو راولپنڊي ۾ قتل صرف عوام کي غربت، بيروزگاري ۽ ناانصافين کان ڇوٽڪاري جي خواب جو نه پر پوري قوم کي قتل ڪرڻ جي سازش برابر هو. بلاول ڀٽو زرداري چيو ته بينظير ڀٽو کي شهيد ڪري ملڪ خلاف سازش ڪئي وئي، آصف علي زرداري پاڪستان کپي جو نعرو هڻي سازش ناڪام بڻائي. هن چيو ته شهيد بينظير ڀٽو ملڪ ۾اتحاد، ڀائيچاري ۽ ترقي پسند  سوچ کي هٿي وٺرائي ۽ عوام جي سياسي توڙي معاشي حقن جي حفاظت ڪئي. سندس چوڻ هو ته بينظير ڀٽو آخري وقت تائين بنا خوف ۽ خطري جي جمهوريت جي جنگ وڙهندي شهادت ماڻي. پ پ چيئرمين بلاول ڀٽو زرداري چيو ته اڄوڪي ڏينهن تي عزم ورجايو وڃي ته پاڪستان مان دهشتگردي ۽ انتهاپسندي جو خاتمو ڪيو ويندو ۽ جمهوريت جي مضبوطي، آئين پارليامينٽ جي بالادستي لاءِ جدوجهد جاري رکي ويندي.

.وڌيڪ پڙهو…