فوٽيجزسنڌ جي وڏي وزير سيد مراد علي شاهه چيو آهي ته پي ٽي آءِ جهڙي بي حس حڪومت ڪڏهن ناهي ڏٺي، حڪومت جي مري سانحي وقت ۽ بعد ۾ به بي حسي جو مظاهرو ڪيو. اسلام آباد ۾ ميڊيا سان ڳالهائيندي وڏي وزير سيد مراد علي شاهه چيو ته مري سانحي وقت وزيراعظم ۽ پنجاب جو وڏو وزير اجلاس ۾ ويٺل رهيا، هنن اهڙي بي حس حڪومت ڪڏهن نه ڏٺي آهي. سندس چوڻ هو ته مري سانحي تي چيو ويو ته انتظاميه بهتر ڪم ڪيو، مري سانحو دل ڏهڪائيندڙ آهي، ماڻهن انتظاميه کي آگاهه ڪيو پر ڪنهن سندن مدد نه ڪئي. وڏي وزير مراد علي شاهه چيو ته وفاقي وزير ڪم ڪن يا نه پر ٽوئٽ ضرور ڪندا آهن، کنڊ، اٽي جي بحران جو ذميوار سنڌ حڪومت کي قرار ڏيندو ويندو آهي. هن چيو ته موجوده حڪومت جي دور ۾ اٽي، کنڊ، دوائن ۽ پئٽروليم گئس جا اسڪينڊل آيا، اڃا به هڪ ايل اين جي اسڪينڊل اچي رهيو آهي. سندس چوڻ هو ته فارين فنڊنگ ڪيس ۾ خبر پئجي وئي آهي ته حڪومت کي ڪير ڪير فنڊ ڏيندو رهيو آهي. وڏي وزير مراد علي شاهه چيو ته وفاقي سرڪار پنهنجي نااهلي جو الزام ٻين تي هڻندي رهي آهي، اٽي، کنڊ ۽ يوريا ڀاڻ جي بحران جو الزام سنڌ سرڪار تي هنيو ويو. هن چيو ته مري ۾ ماڻهو پنهنجي خاندان سميت ٿڌ ۾فوت ٿي ويا، اسلام آباد کان هڪ ڪلاڪ جي فاصلي تي سانحو ٿيو، واقعي کانپوءِ حڪومت جو رد عمل به سڀني ڏسي ورتو آهي. وڏي وزير مراد علي شاهه چيو ته ميڊيا ذريعي پنهنجي غلطين کي درست ڪرڻ ۾مدد ملندي آهي.
ٽنڊوالهيار ۾ پوليس مختلف هنڌن تي ڇاپا هڻي ڀولو خانزاده ڪيس ۾ هڪ ڄڻي کي گرفتار ڪري ورتو
ٽنڊوالهيار ۾ پوليس مختلف هنڌن تي ڇاپا هڻي ڀولو خانزاده ڪيس ۾ هڪ ڄڻي کي گرفتار ڪري ورتو. ايس ايس...
