سنڌ ۽ پنجاب ۾ ڌار ڌار روڊ حادثن ۾ ڀاءُ ڀيڻ سميت 5 ڄڻا حياتيون وڃائي ويٺا، جڏهن 12 ڄڻا زخمي ٿي پيا. فيض گنج واسين سان پنجاب جي شهر بکر ۾ حادثو پيش آيو جنهن ۾ ٽي ڄڻا، وين ۽ ڊمپر ۾ ٽڪر جي نتيجي ۾ اعجاز رحماني سندس ڀيڻ صائمه ۽ ٻارڙو فوت ٿي ويا. پوليس فوتين جا لاش مقامي اسپتال منتقل ڪري فوتين جي وارثن کي اطلاع ڏنو جيڪي بکر روانا ٿي ويا آهن. رتيديري ويجهو به حادثو پيش آيو جنهن ۾ ڳوٺ شاهه جي لاڙي ڀرسان ڪار ۽ مزدا ۾ ٽڪر سبب ڳوٺ رشيد وڳڻ جا رھواسي 3 ڄڻا ڪار سوار حاجي عبدالله بروھي، نصير بروھي ۽ اسلم بروھي زخمي ٿي پيا جن کي علاج لاءِ تعلقي اسپتال رتيديري ۾ آندو ويو، جڏھن ته ھڪ ٻئي واقعي ۾ مينھن جي ٽڪر ۾ حيدر چانڊيو جو رھواسي 10 ورھين جو نينگر عبدالغفور نوناري ٿڏي تي ئي فوت ٿي ويو. شاهپورجهانيان ۾ ٻن ٽرالرن ۾ زوردار ٽڪر ٿي پيو جنهن جي نتيجي ۾ 4 ڄڻا سخت زخمي، جڏهن ته ٻن ڊرائيورن جون ٽنگون پڻ ڀڄي پيون، جڏهن ته ٽرالرن جي پاڻ ۾ ٽڪر سبب قومي شاهراهه بلاڪ ٿي ويو. اسلام ڪوٽ ۾ ڪارونجھر گيسٽ ھائوس ڀرسان ٻن موٽر سا.يڪلن وچ ۾ زوردار ٽڪر سبب پنج ڄڻا سخت زخمي جن کي اسلام ڪوٽ آر ايڇ سي سينٽر پهچايو ويو جتي سمورن زخمين کي ڳڻتي جوڳي حالت ۾ مٺي ريفر ڪيو ويو آھي، زخمين ۾ محبوب، مبارڪ، پانڌي، اعجاز علي جوڻيجو ۽ ٻيا شامل آھن. ٺٽي ڀرسان سجاول روڊ تي برانچ موري وٽ نامعلوم گاڏي جي ٽڪر ۾ نوجوان زبير احمد مغل زخمي ٿي پيو جنهن کي سول اسپتال ٺٽي منتقل ڪيو ويو جتي هن زخمن جا سور نه سهندي دم ڌڻي حوالي ڪيو.
چيئرمين عمران خان حڪومت کي اسيمبليون ٽوڙڻ ۽ چونڊن جي اعلان لاءِ 6 ڏينهن جي مهلت ڏيندي اسلام آباد لانگ مارچ ختم ڪرڻ جو اعلان
تحريڪ انصاف چيئرمين عمران خان حڪومت کي اسيمبليون ٽوڙڻ ۽ چونڊن جي اعلان لاءِ 6 ڏينهن جي مهلت ڏيندي اسلام...
