ملير: جي آءِ ٽي رپورٽ روڪڻ جو انڪشاف

فائل.ملير ۾ بيدردي سان قتل ٿيل نوجوان ناظم جوکيو  ڪيس بابت جي آءِ ٽي جي قطعي رپورٽ روڪڻ ۽ نظرثاني لاءِ ميمبرن مٿان پراسيڪيوٽر جنرل طرفان دٻاءُ وجهڻ جو انڪشاف ٿيو آهي. ذريعن موجب ناظم جوکيو ڪيس بابت جي آءِ ٽي جي قطعي رپورٽ روڪڻ ۽ رپورٽ تي نظرثاني لاءِ ميمبرن مٿان پراسيڪيوٽر جنرل فياض ايڇ شاهه طرفان دٻاءُ وڌو ويو. ذريعن موجب پراسيڪيوٽر جنرل، جي آءِ ٽي ميمبرن کي چيو ته هِن رپورٽ تي نظرثاني ڪري سگهجي ٿي، جنهن تي ميمبرن انڪار ڪيو. ذريعن جو چوڻ آهي سٺي ساک رکندڙ جي آءِ ٽي ميمبر ايس ايس پي تنيوير اوڍو، ڊي ايس پي غلام علي جماڻي ۽ ڊي ايس پي سراج لاشاري 9 صفحن تي ٻڌل رپورٽ پراسڪيوٽر جنرل کي پيش ڪئي پر چار ڏينهن گذرڻ باوجود رپورٽ عدالت ۾ پيش ناهي ڪئي وئي. ذريعن موجب جي آءِ ٽي ميمبرن شڪ ظاهر ڪندي چيو آهي ته  حڪومتي دٻاءَ سبب  پراسيڪيوٽر جنرل، جي آءِ ٽي رپورٽ عدالت ۾ پيش ڪرڻ بدران نظرثاني ڪرائڻ چاهي ٿو. ذريعن موجب جي آءِ ٽي جا ميمبر ناظم جوکيو قتل ڪيس جي رپورٽ تي نظرثاني لاءِ تيار ناهن. ذريعن موجب جي آءِ ٽي پنهنجي رپورٽ ۾ 9 جوابدارن کي نامزد ڪيو آهي، جنهن ۾ ڄام اويس، ڄام ڪريم، نياز سالار، حيدر علي ۽ مير علي کي قتل ۾ سڌي ريت ملوث قرار ڏنو آهي، جڏهن ته ٽن جوابدارن معراج، زاهد ۽ عطا محمد کي ڏوهه لڪائڻ ۽ ڌمڪيون ڏيڻ ۾ ملوث قرار ڏنو ويو آهي. جي آءِ ٽي جي ميمبر سراج لاشاري رابطي تي ٻڌايو ته جي آءِ ٽي پنهنجي رپورٽ پراسيڪيوٽر جنرل حوالي ڪئي آهي پر چار ڏينهن گذرڻ باوجود هن رپورٽ عدالت ۾ پيش ناهي ڪئي، جنهن جو جواب هو پاڻ ڏئي سگهي ٿو. هن چيو ته جي آءِ ٽي جي قطعي رپورٽ تي نظرثاني نه ٿيندي، ڇو ته ايمانداري سان جاچ مڪمل ڪري قطعي رپورٽ تيار ڪري پراسيڪيوٽر جنرل کي ڏني وئي آهي، جنهن ۾ ڪا به تبديلي نه ٿيندي…...وڌيڪ پڙهو…