هڪ جمهوري پاڪستان آمريڪا جي مفادن لاءِ اهم آهي,وائيٽ هائوس

وائيٽ هائوس چيو آهي ته هڪ جمهوري پاڪستان آمريڪا جي مفادن لاءِ اهم آهي. شهباز شريف جي وزيراعظم چونڊجڻ تي ردعمل ڏيندي وائيٽ هائوس جي پريس سيڪريٽري جين ساڪي چيو آهي ته هو آئيني ۽ جمهوري اصولن جي پرامن عمل جي حمايت ڪن ٿا، آمريڪا يقيني طور تي قانون جي حڪمراني ۽ قانون تحت برابر انصاف جي اصولن جي حمايت ڪري ٿو. جين ساڪي جو چوڻ هو ته آمريڪا پاڪستان سان پنهنجي پراڻي سهڪار کي قدر جي نظر سان ڏسي ٿو ۽ ان هميشه هڪ خوشحال ۽ جمهوري پاڪستان کي آمريڪي مفادن لاءِ اهم سمجهيو آهي، قيادت ڪهڙي به هجي، آمريڪي نظرئي ۾ ڪا تبديلي ناهي ايندي. پريس بريفنگ ۾ پڇيل ان سوال ته ڇا آمريڪي صدر جوبائيڊن شهباز شريف کي فون ڪندو؟ جي جواب ۾ وائيٽ هائوس جي ترجمان چيو ته مستقبل ۾ فون ڪالز جي حوالي سان وٽس هن وقت چوڻ لاءِ ڪجهه نه آهي. جين ساڪي جو چوڻ هو ته پاڪستان ۾ ڪنهن هڪ سياسي جماعت جي طرفداري نه ٿا ڪريون، پاڪستان جي اندرين معاملن تي تبصرو نه ڪنداسين، آمريڪا ۽ پاڪستان جو پاڻ ۾ سهڪار جاري رهندو.

.وڌيڪ پڙهو…