پاڪستان ڪڏهن به ڊفالٽ ۾ نه رهيو آهي ۽ نه وري ٿيندو, مفتاح اسماعيل

ناڻي واري وفاقي وزير مفتاح اسماعيل چيو آهي ته پاڪستان ڪڏهن به ڊفالٽ ۾ نه رهيو آهي ۽ نه وري ٿيندو. واشنگٽن ۾ پريس ڪانفرنس ڪندي ناڻي واري وزير مفتاح اسماعيل چيو ته پاڪستان ۾ هن سال ٽيڪس جي شرح وڌائڻ جو ڪو ارادو ناهي، غربت گهٽائڻ لاءِ بينظير انڪم سپورٽ پروگرام ۾ رقم وڌي سگهجي ٿي. هن چيو ته سيلاني ويلفيئر جو مولانا بشير فاروقي اڳوڻي حڪومت جو احساس پروگرام هلائي رهيو هو، عمران خان جي حڪومت ان تي هڪ رپيو به خرچ نه ڪيو. ناڻي واري وزير مفتاح اسماعيل تصديق ڪئي ته هن آءِ ايم ايف کي پاڪستان لاءِ قرض جي رقم 6 ارب ڊالر کان وڌائڻ جي درخواست ڪئي آهي. پريس ڪانفرنس دوران مملڪتي وزير عائشه غوث پاشا ۽ آمريڪا ۾ پاڪستان جو سفير مسعود خان به موجود هئا. ٻئي طرف آءِ ايم ايف مشن جي سربراهه ناٿن پورٽر جو چوڻ آهي ته مفتاح اسماعيل سان هاڪاري ڳالهيون ٿيون، جنهن دوران پاڪستان جي معيشت جي ترقي ۽ پاليسين تي خيالن جي ڏي وٺ ڪئي وئي. ياد رهي ته پاڪستان سان آءِ ايم ايف ۽ ورلڊ بينڪ جو ساليانو اجلاس واشنگٽن ۾ ٿي رهيو آهي جنهن ۾ ناڻي وارو وفاقي وزير مفتاح اسماعيل پاڪستان جي نمائندگي ڪري رهيو آهي….

.وڌيڪ پڙهو…