نيو سعيد آباد ڀرسان جمالي برادري جي ٻن ڌرين ۾ جهيڙو ٿي پيو، فائرنگ جي نتيجي ۾ هڪ ڄڻو مارجي ويو، جڏهن ته هڪ ڄڻو زخمي ٿي پيو، مقتول جي وارثن پاران قومي شاهراهه تي لاش رکي ڌرڻوهنيو ويو آهي. ڳوٺ بکر جمالي ۾ جمالي برادري جي ٻن ڌرين ۾ سرڪاري زمين جي مالڪي تان جهيڙو ٿي پيو.فائرنگ جي نتجي ۾ هڪ ڌر جو شاهجهان جمالي مارجي ويو جڏهن ته ٻي ڌر جو مير محمد جمالي زخمي ٿي پيو. اطلاع تي پوليس پهچي مارجي ويل شخص جو لاش ۽ زخمي کي نيو سعيد آباد اسپتال منتقل ڪيو. پوليس جو چوڻ آهي ته ڌرين ۾ جهيڙو ٻيلي کاتي جي زمين جي مالڪي تان ٿيو. هوڏانهن مقتول شاهجهان جي وارثن قاتلن جي گرفتاري لاءِ قومي شاهراهه تي لاش رک ڌرڻو هنيو ويو آهي. مقتول جي وارثن مطالبو ڪيو ته نوجوان جي قتل جو ڪيس داخل ٿيڻ تائين سندن ڌرڻو جاري رهندو. ٻئي پاسي جهيڙي سبب پيدا ٿيل صورتحال تي تڪراري ڳوٺن ۾ وڏي انگ ۾ پوليس مقرر ڪئي وئي آهي.
فيض گنج ڀرسان سول جج جي ڳوٺ واري اوطاق مان چوري خلاف فيض گنج بار پاران احتجاج
فيض گنج ڀرسان سول جج جي ڳوٺ واري اوطاق مان چوري خلاف فيض گنج بار پاران احتجاج ڪيو. ڳوٺ نيازي...
