تحريڪ انصاف چيئرمين عمران خان حڪومت کي اسيمبليون ٽوڙڻ ۽ چونڊن جي اعلان لاءِ 6 ڏينهن جي مهلت ڏيندي اسلام آباد لانگ مارچ ختم ڪرڻ جو اعلان ڪري ڇڏيو، سندس چوڻ آهي ته جيڪڏهن چونڊن جو اعلان نه ٿيو ته ٻيهر 20 لک ماڻهو وٺي اسلام آباد پهچندو. اسلام آباد ۾ جناح ايونيو تي لانگ مارچ کي خطاب ڪندي اڳوڻي وزيراعظم عمران خان چيو ته هن پهريون ڀيرو پاڪستاني قوم کي متحد ڏٺو آهي. هن چيو ته جهڙي نموني شيلنگ جو مقابلو ڪيو ويو تنهن و مثال نه ٿو ملي، قوم خوف کان آزاد ٿي چڪي آهي، هاڻي امپورٽيڊ حڪومت ڪنهن به صورت ۾ قبول نه ڪئي ويندي. سندس چوڻ هو ته آزاديءَ جي تحريڪ کي ناڪام بڻائڻ لاءِ هر قسم جو طريقو استعمال ڪيو ويو آهي، هاڻي قوم ڏوهارين کي حڪومت ڪرڻ جي اجازت نه ڏيندي. هن چيو ته فيصلو ڪيو هو ته اليڪشن جي تاريخ تائين هتي ويهندا، 24 ڪلاڪن ۾ جيڪي حالتون ڏٺيون مڪ کي ڏڦيڙ طرف ڌڪيو پيو وڃي. سندس چوڻ هو ته حڪومت ۽ عوام ۾ نفرتون پيدا ڪرڻ جي ڪوشش ڪئي پئي وڃي، جڏهن ته 6 ڏينهن اندر عام چونڊن جو اعلان نه ٿيو ته ٻيهر 20 لک ماڻهو وٺي اسلام آباد ايندو. اڳوڻي وزيراعظم عمران خان چيو ته موجوده وزيراعظم شهباز شريف ۽ سندس پٽ حمزا شهباز شريف سنگين ڏوهه ۾ ملوث ٿي رهيا آهن، کين ملڪ جون واڳون ڏنيون ويون آهن. هن چيو ته ٻن ڏينهن دوران سندن پنجن ڪارڪنن کي قتل ڪيو ويو آهي، هو پرامن احتجاج لاءِ نڪتا آهن ۽ ڪڏهن به ڏڦيڙ کي هٿي نه ڏني ئي آهي. سندس چوڻ هو ته سندن جلسن ۾ هميشه فيميليز اينديون آهن، احتجاج ۾ عورتون ۽ ٻارڙا به شامل آهن، مٿن شيلنگ ڪئي وئي تنهن ڪري سپريم ڪورٽ کي پاڻمرادو نوٽيس وٺڻ گهرجي. عمران خان چيو ته سندس قوم آزادي لاءِ هر قسم جي قرباني ڏيڻ لاءِ تيار آهي، سندن تحريڪ کي ناڪام ڪرڻ جي ڪوشش ڪئي وئي آهي. هن چيو ته اڌ کان وڌيڪ ڪابينا ضمانت تي آهي، امپورٽيڊ وزيراعظم ۽ سندس پٽ کي سزا ملڻ واري هئي، انهن کان ڌيڪ توهين ڪهڙي ٿي سگهي ٿي ته چورن کي اقتدار سونپيو ويو آهي. سندس چوڻ هو ته ڇا پرامن احتجاج سندن حق ناهي، ڇا هنن فضل الرحمان ۽ بلاول ٽو زرداري کي لانگ مارچ کان روڪيو ويو؟ هن ڪڏهن به سندن جلسن ۾ رنڊڪ پيدا ڪرڻ جي ڪوشش نه ڪئي، مير جعفر ۽ مير صادق آمريڪي سازش ۾ ڪردار ادا ڪيو. عمران خان چيو ته جيڪڏهن پوليس جسٽس رٽائرڊ ناصره اقبال جي گهر ۾ گهر ٿي ته عام ماڻهن جو ڪهڙو حال هوندو. هن چيو ته امپورٽيڊ حڪومت چونڊي چونڊي ڪرپٽ آفيسرن کي مقرر ڪيو آهي، اعليٰ عدليه کي درخواست آهي ته ايف آءِ اي ي شريف مافيا کان بچايو وڃي.
وڌيڪ پڙهو…
