ڪراچي جي نيا ناظم آباد واري علائقي ۾ هٿياربندن جي فائرنگ ۾ سڪيورٽي گارڊ مارجي ويو. منگهو پير روڊ تي هٿياربندن بند پيل پيٽرول پمپ تي ويٺل سڪيورٽي گارڊ مٿان فائرنگ ڪئي جنهن جي نتيجي ۾ 60 ورهين جو محمد حسين زخمي ٿي پيو. زخمي کي ڳڻتي جوڳي حالت ۾ عباسي شهيد اسپتال منتقل ڪيو ويو جتي هن زخمن جي سٽ نه سهندي دم ڏيئي ڇڏيو. پوليس جو چوڻ آهي ته مقتول پمپ تي گارڊ هو ۽ فائرنگ وقت پيٽرول پمپ بند هو. پوليس موجب، جوابدار واقعي کانپوءِ پمپ تان ڪابه ڦر وغيره ناهي ڪئي، شروعاتي طور تي واقعو ڦر مزاحمت جو نه پيو لڳي، سي سي ٽي وي فٽجز ڏسڻ بعد حقيقيت سامهون ايندي.
