سنڌ جي مختلف شهرن ۾ آبادگارن احتجاجي مظاهرا ڪري پاڻي ڏيڻ جو مطالبو ڪري ڇڏيو. بهرام ۾ آبادگارن جو اڄ ٻي ڏينهن به قمبر شهدادڪوٽ روڊ تي ڌرڻو جاري آهي ميهڙ جي مختلف شاخن ۾ زرعي پاڻي جي کوٽ خلاف انڊس هاءِ وي ٽول پلازه وٽ آبادگارن احتجاجي مظاهرو ڪري ڌرڻو هنيو . گُپچاڻي ۾ جهيمل شاخ جي پڇڙي جي آبادگارن محمد مريد کوسو، امير مغيري، نور علي گپچاڻي ۽ پناھ رند جي اڳواڻي ۾ احتجاجي مظاهرو ڪري سانگهڙ – نواب شاهه روڊ تي نٽھڻ اُس ۾ ڌرڻو هنيو. ٿرڙي محبت ۾ به سوين آباگارن هارين ارشادچانڊئي ۽ حبيب بلوچ جي اڳواڻي ۾ انڊس هاءِ وي تي رائيس ڪئنال ۾ پاڻي جي کوٽ خلف احتجاجي مظاهرو ڪري ڌرڻو هنيو. آبادگار اڳواڻن احتجاجي مظاهرن کي خطاب ڪندي چيو ته سنڌ ۾ پاڻي جي کوٽ ختم ڪرڻ لاءِ وزير اعظم ۽ وڏي وزير کي ڪردار ادا ڪرڻ گهرجي ته جيئن سنڌ جو زمينون بنجر ٿيڻ کان بچي وڃن. سندن چوڻ هو پڇڙي جي آبادگارن تائين به پاڻي پهچائڻ لاءِ آبپاشي عملدارن کي پنهنجو ڪردار ادا ڪرڻ گهرجي.
