وزيراعظم شهباز شريف چيو آهي ته هو موجوده معاشي مشڪلاتن جي ڦيٿي مان نڪرندو ۽ اميدن تي پورو لهندو. پرڏيهه ۾ رهندڙ پاڪستانين جا ٿورا مڃيندي وزيراعظم شهباز شريف چيو ته پرڏيهه ۾ رهندڙ پاڪستانين هڪ ڏينهن ۾ 57 ڪروڙ 70 لک ڊالر پاڪستان موڪلي نئون رڪارڊ قائم ڪيو آهي، هڪ ڏينهن ۾ اسٽيٽ بئنڪ کي سڀ کان وڌيڪ 57 ملين ڊالر مليا آهن. هن چيو ته روشن ڊجيٽل اڪائونٽ ۾ جمع ڪيل رقم 4.5 بلين ڊالر کان وڌي وئي آهي ۽ سندن حڪومت روشن ڊجيٽل اڪائونٽ اسڪيم جي مڪمل حمايت ۽ سرپرستي ڪري رهي آهي. شهباز شريف چيو ته هڪ ڏينهن ۾ رڪارڊ رقم موڪلڻ تي پرڏيهه ۾ رهندڙ پاڪستانين جا ٿورائتا آهن. سندس چوڻ هو ته پرڏيهه ۾ رهندڙ پاڪستاني سندن قيمتي اثاثو آهن جن جون دليون پاڪستان جي محبت ۾ ڌڙڪن ٿيون، انهن هميشه ملڪ جي معيشت کي مضبوط ۽ بهتر بڻائڻ ۾ ڪردار ادا ڪيو آهي. وزيراعظم شهباز شريف چيو ته موجوده معاشي مشڪلاتن جي گهيري مان نڪري عوام جي اميدن تي پورا کهندا، حڪومت پرڏيهه ۾ رهندڙ پاڪستانين جي سهولت لاءِ مختلف قدم کڻي رهي آهي.
ملڪ جا سمورا ادارا پنهنجو اعتماد وڃائي چڪا آهن، فواد چوڌري
تحريڪ انصاف اڳواڻ فواد چوڌري چيو آهي ته ملڪ جا سمورا ادارا پنهنجو اعتماد وڃائي چڪا آهن، ڪنهن جي حق...
